ନବରଙ୍ଗପୁର: ପୁଣି ଫେଲ ମାରିଲା ଆମ୍ବୁଲାନ୍ସ ସେବା । ଅଧାବଟରେ ଅଟକିଲା ଆମ୍ବୁଲାନ୍ସ । ଖଟିଆରେ ବୁହାହେଲେ ରୋଗୀ । ପାପଡାହାଣ୍ଡି ବ୍ଲକ ନାକଟିଗୁଡା ପଞ୍ଚାୟତର ତେତୁଳିଗୁଡା ଗ୍ରାମରେ ଦେଖିବାକୁ ମିଳିଛି ଏହି ଅଭାବନୀୟ ଘଟଣା ।
ପୁଣି ଫେଲ୍ ମାରିଲା ଆମ୍ବୁଲାନ୍ସ, ଖଟିଆରେ ବୁହାହେଲେ ମହିଳା
ଉକ୍ତ ଗ୍ରାମର ଧୋନେଇ ଦିଶାରୀଙ୍କ ଦେହ ହଠାତ୍ ଖରାପ ହେବାରୁ 108 ଆମ୍ବୁଲାନ୍ସକୁ ସମ୍ପର୍କ କରିଥିଲେ ପରିବାର ଲୋକେ । ତେବେ ଗାଁକୁ ଆମ୍ବୁଲାନ୍ସ ଆସିବା ବେଳେ ଦୁଇ କିଲୋମିଟର ଦୂରରେ କାଦୁଆ ରାସ୍ତାରେ ଅଟକିଲା । ଫଳରେ ଗ୍ରାମବାସୀ ଓ ଆମ୍ବୁଲାନ୍ସ ଡ୍ରାଇଭର, ଫାର୍ମାସିଷ୍ଟ, ହେଲପର ରୋଗୀକୁ ଖଟିଆରେ 2 କିଲୋମିଟର ବୋହି ଆମ୍ବୁଲାନ୍ସ ନିକଟକୁ ଆଣିଥିଲେ ।
ରୋଗୀ ଧୋନେଇ ଦିଶାରୀଙ୍କ ସ୍ବାମୀ ପଦଳମ ଦିଶାରୀ କହିବା ଅନୁଯାୟୀ, ଅଳ୍ପ ବର୍ଷା ହେଲେ ଗାଁ ରାସ୍ତା ବାହ୍ୟ ଜଗତରୁ ବିଛିନ୍ନ ହୋଇଯାଏ । ଫଳରେ ଗାଁକୁ ଗମନାଗମନରେ ବାଧା ଉପୁଜିଥାଏ ।
ନବରଙ୍ଗପୁରରୁ ତପନ ବିଷୋୟୀ, ଇଟିଭି ଭାରତ
