ନବରଙ୍ଗପୁର: ରାତି ପାହିଲେ ଭୋଟ ଗଣତି ଆରମ୍ଭ ହେବ । ଏନେଇ ନବରଙ୍ଗପୁର ଜିଲ୍ଲା ପ୍ରଶାସନ ପକ୍ଷରୁ ସମସ୍ତ ପ୍ରସ୍ତୁତି ସରିଛି । ବିଶେଷ କରି ଗଣତି କେନ୍ଦ୍ର ଏବଂ ସହରରେ ସୁରକ୍ଷା ବ୍ୟବସ୍ଥା କଡ଼ାକଡ଼ି କରାଯାଇଛି ।
ପ୍ରଥମ ଥର ଲାଗି ଟିର୍ଲିଆମ୍ଭଗୁଡା ମଡେଲ ଡିଗ୍ରୀ କଲେଜରେ ଗୋଟିଏ ଲୋକସଭା ଓ 4 ବିଧାନସଭା ଆସନ ଲାଗି ଭୋଟ ଗଣତି କରାଯିବ । ଏଠାରେ ଭିଭିପାଟ ଓ ଇଭିଏମ ଗୁଡିକୁ ସୁରକ୍ଷିତ ଭାବେ ରଖାଯାଇଥିବା ବେଳେ ଗଣତି ପାଇଁ 4ଟି ହଲ୍ ବ୍ୟବସ୍ଥା କରାଯାଇଛି । ପ୍ରତି ହଲ୍ରେ 14ଟି ଟେବୁଲ ହିସାବରେ ମୋଟ 56ଟି ଟେବୁଲର ବ୍ୟବସ୍ଥା କରାଯାଇଛି । ସକାଳ 8ଟାରୁ ଗଣତି ଆରମ୍ଭ କରାଯିବ ବୋଲି ଜିଲ୍ଲାପାଳ ଅଜିତ କୁମାର ମିଶ୍ର ସୂଚନା ଦେଇଛନ୍ତି ।
ଗଣତି ସମୟରେ ହଲ ଭିତରକୁ ମୋବାଇଲ, କ୍ୟାମେରା ଭଳି ଇଲେକ୍ଟ୍ରୋନିକ୍ସ ସରଞ୍ଜାମ ନେବା ଉପରେ ବାରଣ କରାଯାଇଛି । ତ୍ରିସ୍ତରୀୟ ସୁରକ୍ଷା ବ୍ୟବସ୍ଥା କରାଯାଇଥିବା ବେଳେ 9 ପ୍ଲାଟୁନ୍ ପୋଲିସ ଫୋର୍ସ ମୁତୟନ କରାଯାଇଥିବା ଏସପି ନୀତିନ କୁଳସେକର ଜଣାଇଛନ୍ତି ।
ନବରଙ୍ଗପୁରରୁ ତପନ ବିଷୋୟୀ, ଇଟିଭି ଭାରତ
