ନବରଙ୍ଗପୁର: ଭୋଜି ଖାଇ ଫେରୁଥିଲେ ଘରକୁ । କିନ୍ତୁ କାଳ ସାଜିଲା ନଦୀପାର । ସମ୍ପର୍କୀୟଙ୍କ ଭୋଜି ଖାଇ ଫେରୁଥିବାବେଳେ ଘଟିଛି ଅଘଟଣ । ତିନି ଜଣ ବୃଦ୍ଧା ଫେରୁଥିବା ସମୟରେ ଜଣେ ଚିତ୍ରାଙ୍ଗ ନଦୀରେ ଭାସିଯାଇ ଗତକାଲି ଠାରୁ ନିଖୋଜ ଥିଲେ । ଆଜି ଉଦ୍ଧାର ହୋଇଛି ସେମାନଙ୍କ ମୃତଦେହ । ଏପରି ଦୁଃଖ ଦାୟକ ଘଟଣା ଦେଖିବାକୁ ମିଳିଛି ନବରଙ୍ଗପୁରର ଡାବୁଗାଁ ଥାନା ଅଧିନସ୍ଥ ଏକୋମ୍ବା ଗ୍ରାମରେ।
ଭିଡ଼ିଓ ସୌଜନ୍ଯ: ସମ୍ବାଦଦାତା, ନବରଙ୍ଗପୁର
ଗ୍ରାମବାସୀ ଓ ଦମକଳ ବାହିନୀ ଆଜି ଦିନ ତମାମ୍ ଜାରି ରଖଛନ୍ତି ଖୋଜାଖୋଜି । ପରେ ଅପରାହ୍ନ ରେ ସୋନମୋତି ଗୌଡ଼ଙ୍କ ମୃତଦେହକୁ ଉଦ୍ଧାର କରିଛି ଦମକଳ ବାହିନୀ । ଗତକାଲି ନିଜ ଝିଅ ଘରକୁ ଯାଇଥିଲେ ସୋନମତି ଓ ଅନ୍ୟ ଦୁଇ ବୃଦ୍ଧ । ନିକଟସ୍ଥ ନିରଣ୍ଡି ପଞ୍ଚାୟତର ନିରଗୁଡ଼ା ଗାଁକୁ ଯାଇଥିଲେ । ଲଗାଣା ବର୍ଷା ଫଳରେ ଚିତ୍ରା ନଦୀରେ ଅଧିକ ପାଣି ହୋଇଯାଇଥିଲା । ଏପଟେ ତିନି ଜଣ ନଦୀ ପାର ହେଉଥିବା ବେଳେ ବୃଦ୍ଧାଙ୍କ ଗୋଡ଼ ଖସିଯାଇଥିଲା । ଫଳରେ ଗତକାଲି ଠାରୁ ନିଖୋଜ ଥିଲେ।
ନବରଙ୍ଗପୁରରୁ ତପନ ବିଷୋୟୀ, ଇଟିଭି ଭାରତ
