ନବରଙ୍ଗପୁର: ଜିଲ୍ଲାର ରାଇଘର ପୋଲିସକୁ ମିଳିଛି ବଡ଼ ସଫଳତା । କୌଣସି ସୂତ୍ରରୁ ଖବର ପାଇ ରାଇଘର ପୋଲିସ ରାଇଘର ଥାନା ଅନ୍ତର୍ଗତ ହାତିଗାଁ ପଞ୍ଚାୟତର ମାଣ୍ଡିଆ ବେଡା ଗ୍ରାମରେ ଚଢାଉ କରିଥିଲା ।
ବନ୍ଧୁକ ଫ୍ୟାକ୍ଟ୍ରିରେ ଚଢାଉ: ଜଣେ ଗିରଫ, ଦୁଇଟି ଅର୍ଦ୍ଧ ନିର୍ମିତ ବନ୍ଧୁକ ସହ ବହୁ ସାମଗ୍ରୀ ଜବତ
ଏଥିରେ ସଂଗ୍ରାମ ଲୋହାରା ନାମକ ଜଣେ ବ୍ୟକ୍ତିକୁ ଗିରଫ କରିବା ସହ ତାଙ୍କ ଘରୁ ଦୁଇଟି ଅର୍ଦ୍ଧ ନିର୍ମିତ କାଠ ବନ୍ଧୁକ ସହ 6 ଟି ବେରେଲ୍ ପାଇପ୍, ଟ୍ରିଗର 6ଟି, 4ଟି ସେଫ୍ଟୁ ଲୋକ୍, ଚାରିଟି ହାତୁଡ଼ି ସହ ଦୁଇଟି କି-ପେଡ ମୋବାଇଲ ଜବତ କରାଯାଇଛି । ଏନେଇ ରାଇଘର ଥାନାରେ କେସ ନମ୍ବର 127/21ରେ ଏକ ମାମଲା ରୁଜୁ କରାଯାଇଛି । ଅଭିଯୁକ୍ତକୁ କୋର୍ଟ ଚାଲାଣ କରାଯାଇଥିବା ଏକ ପ୍ରେସମିଟ୍ ମାଧ୍ୟମରେ ଉମରକୋଟ SDPO ଦିନେଶ ଚନ୍ଦ୍ର ନାୟକ ସୂଚନା ଦେଇଛନ୍ତି ।
ନବରଙ୍ଗପୁରରୁ ତପନ କୁମାର ବିଷୋୟୀ, ଇଟିଭି ଭାରତ
