ନବରଙ୍ଗପୁର: ମୋବାଇଲ ହଜିବା ଘଟଣାକୁ କେନ୍ଦ୍ର କରି ଦୁଇ ଘନିଷ୍ଠ ସାଙ୍ଗଙ୍କ ମଧ୍ୟରେ ବଚସା ପରେ ଗଣ୍ଡଗୋଳରୁ ଜଘନ୍ୟ ହତ୍ୟାକାଣ୍ଡ । ସାଙ୍ଗକୁ ପଥରରେ ଛେଚି ହତ୍ୟାକଲା ଆଉ ଏକ ସାଙ୍ଗ । ଏପରି ଘଟଣା ଘଟିଛି ନବରଙ୍ଗପୁର ଜିଲ୍ଲା ରାଇଘର ଥାନା ଅନ୍ତର୍ଗତ ପାରୁଆ ପଞ୍ଚାୟତ ଅଧିନସ୍ଥ ଛତାବେଡା ଆଦିବାସୀ ଗ୍ରାମରେ ।
ସୂଚନା ଅନୁଯାୟୀ, ଗତ ୭ ତାରିଖ ଦିନ ସନ୍ଧ୍ୟା ସମୟରେ ଏହି ଦୁଇ ସାଙ୍ଗ ଘନଶ୍ୟାମ ମାଝୀ ଓ ସୁକଲାଲ ରାଉତ ମଦ୍ୟପାନ କରି ଦୁହିଁଙ୍କ ମଧ୍ୟରେ ମୋବାଇଲ ହଜିଥିବା ଘଟଣାକୁ ନେଇ ଯୁକ୍ତିତର୍କ ହୋଇଥିଲା । ଏହାପରେ ଉଭୟଙ୍କ ମଧ୍ୟରେ ଗଣ୍ଡଗୋଳ ଲାଗିବାରୁ ଘନଶ୍ୟାମ ମାଝୀ ସୁକଲାଲ ରାଉତଙ୍କ ମୁଣ୍ଡରେ ପଥର ଛେଚି ଦେଇଥିଲେ । ମାତ୍ର ସେ ଚିକିତ୍ସାଳୟ ନ ଯାଇ ଝିଅ ଘରେ ରହି ଚିକିତ୍ସିତ ହେଉଥିଲେ । ଗତକାଲି(ଶନିବାର) ସନ୍ଧ୍ୟାରେ ସୁକଲାଲର ମୃତ୍ୟୁ ଘଟିଥିଲା ।
