ନବରଙ୍ଗପୁର : ନୂତନ ପରିବହନ ନିୟମକୁ ନେଇ ଜିଲ୍ଲା ଆଞ୍ଚଳିକ ପରିବହନ ବିଭାଗ ତେନ୍ତୁଳିଖୁଣ୍ଟି ପୋଲିସ ସହାୟତାରେ ସଚେତନତା କାର୍ଯ୍ୟକ୍ରମ କାର୍ଯ୍ୟକ୍ରମର ଆୟୋଜନ କରିଛି ।
ତେନ୍ତୁଳିଖୁଣ୍ଟି ଥାନା ଆଇଆଇସି ପରମାନନ୍ଦ ସୁନାନୀ ଓ ଆଞ୍ଚଳିକ ପରିବହନ ବିଭାଗ, ନବରଙ୍ଗପୁର ସବ ଇନ୍ସପେକ୍ଟର ମିଥୁନ ପ୍ରଧାନଙ୍କ ନେତୃତ୍ବରେ ଥାନାର ସମସ୍ତ କର୍ମଚାରୀ ଲୋକଙ୍କୁ ସଚେତନ କରିଛନ୍ତି । କୁର୍ମାକୋଟ ଛକଠାରୁ ଏକ ରାଲି ବାହାରି ତେନ୍ତୁଳିଖୁଣ୍ଟି ଗ୍ରାମରେ ପହଞ୍ଚି ଲୋକଙ୍କୁ ପରିବହନର ନୂଆ ନିୟମ ବିଷୟରେ ସଚେତନ କରାଇଥିଲେ ।
ପରିବହନର ନୂଆ ନିୟମ ଉଲ୍ଲଘଂନ କଲେ ଲୋକଙ୍କୁ କଡା ଜୋରିମାନାର ବ୍ୟବସ୍ଥା ରହିଛି । ଏଥିରେ ଅନ୍ୟମାନଙ୍କ ମଧ୍ୟରେ ଏସଆଇ କୁବେର ଦିଗାଲ, ବିଜୟ କୁମାର ସେଠୀ ଓ ଅନ୍ୟ କର୍ମଚାରୀମାନେ ମଧ୍ୟ ଅଂଶଗ୍ରହଣ କରିଥିଲେ ।
ନବରଙ୍ଗପୁରରୁ ତପନ ବିଷୋୟୀ, ଇଟିଭି ଭାରତ
