ନବରଙ୍ଗପୁର: ଜିଲ୍ଲାରେ ଆଜି ପୁଣି 43 ଜଣ ନୂଆ କରୋନା ସଂକ୍ରମିତ ଚିହ୍ନଟ ହୋଇଛନ୍ତି । ଆକ୍ରାନ୍ତଙ୍କ ମଧ୍ୟରୁ ତେନ୍ତୁଳିଖୁଣ୍ଟି ଓ କୋଷାଗୁମୁଡା ବ୍ଲକରୁ 9 ଜଣ ଲେଖାଏଁ ହୋଇଥିବାବେଳେ ନବରଙ୍ଗପୁର ପୌରାଞ୍ଚଳ ଓ ଚନ୍ଦାହାଣ୍ଡି ବ୍ଲକରୁ 6 ଜଣ ଲେଖାଏଁ ଆକ୍ରାନ୍ତ ଚିହ୍ନଟ ହୋଇଛନ୍ତି । ସେହିପରି ଝରିଗାଁ ବ୍ଲକରୁ 4 ଜଣ, ଉମରକୋଟ ପୌରାଞ୍ଚଳ ଏବଂ ପାପଡାହାଣ୍ଡି, ନନ୍ଦାହାଣ୍ଡି ବ୍ଲକରୁ 2 ଜଣ ଲେଖାଏଁ ଓ ଉମରକୋଟ, ରାଇଘର, ଡାବୁଗାଁ ବ୍ଲକରୁ ଜଣେ ଲେଖାଏଁ ନୂଆ ଆକ୍ରାନ୍ତ ଚିହ୍ନଟ ହୋଇଛନ୍ତି ।
ଜିଲ୍ଲାରେ ବର୍ତ୍ତମାନ ସୁଦ୍ଧା 81,167 ଜଣଙ୍କର ନମୁନା ସଂଗ୍ରହ କରି କୋଭିଡ ପରୀକ୍ଷା କରାଯାଇଥିବାବେଳେ 4,873 ଜଣ ପଜିଟିଭ୍ ଚିହ୍ନଟ ହୋଇଛନ୍ତି । ବର୍ତ୍ତମାନ ସୁଦ୍ଧା 4,408 ଜଣ ସମ୍ପୂର୍ଣ୍ଣ ସୁସ୍ଥ ହୋଇ ଘରକୁ ଫେରିଛନ୍ତି l ଜିଲ୍ଲାରେ ବର୍ତ୍ତମାନ ସୁଦ୍ଧା 437 ଜଣ ସକ୍ରିୟ ଆକ୍ରାନ୍ତ ଥିବାବେଳେ 327 ଜଣ ଗୃହ ସଙ୍ଗରୋଧରେ ରହି ଚିକିତ୍ସିତ ହେଉଛନ୍ତି l ଏ ନେଇ ଜିଲ୍ଲା ପ୍ରଶାସନ ତରଫରୁ ସୂଚନା ମିଳିଛି ।
ନବରଙ୍ଗପୁରରୁ ତପନ କୁମାର ବିଷୋୟୀ, ଇଟିଭି ଭାରତ
