ନବରଙ୍ଗପୁର: ସାଇକଲରେ ଯାଇ ଥାନା ପରିଦର୍ଶନ କରିଛନ୍ତି ନବରଙ୍ଗପୁର ଏସପି ନିତିନ କୁସଲ । ମଙ୍ଗଳବାର ସନ୍ଧ୍ୟା ସମୟରେ ନିଜେ ଏକ ସାଇକେଲ ଧରି ତେନ୍ତୁଳିଖୁଣ୍ଟି ଥାନାରେ ପହଞ୍ଚି ସମସ୍ତଙ୍କୁ ଚକିତ କରିଦେଇଛନ୍ତି । ନବରଙ୍ଗପୁର ଠାରୁ ତେନ୍ତୁଳିଖୁଣ୍ଟି ଦୂରତା 25 କିଲୋମିଟର ରହିଛି ।
ଏହାକୁ ଖାତିରି ନକରି ହଠାତ ନବରଙ୍ଗପୁର ଏସପି ନିତିନ କୁସଲ କର ସାଇକେଲ୍ ମାଧ୍ୟମରେ ତେନ୍ତୁଳିଖୁଣ୍ଟି ପୋଲିସ ଷ୍ଟେସନକୁ ପହଞ୍ଚିଥିଲେ, ଏବଂ ଆଇଆଇସି ପରମାନନ୍ଦ ସୁନାନୀଙ୍କ ସହିତ ଅଞ୍ଚଳର ହାଲଚାଲ ବୁଝି ଉତ୍ତମ ଭାବରେ କାର୍ଯ୍ୟ କରିବା ପାଇଁ କହିଥିଲେ । ଏହିପ୍ରକାର ପରିଦର୍ଶନ ଜନସାଧାରଣ ଓ ବୁଦ୍ଧିଜୀବୀ ମହଲରେ ଚର୍ଚ୍ଚାର ବିଷୟ ପାଲଟିଛି ।
ନବରଙ୍ଗପୁରରୁ ତପନ କୁମାର ବିଷୋୟୀ, ଇଟିଭି ଭାରତ
