ନବରଙ୍ଗପୁର: ଗରିବଙ୍କ ସେବା ହିଁ ପ୍ରକୃତ ମାନବ ସେବା । ସେମାନଙ୍କ ମୁହଁରେ ହସ ଫୁଟାଇ ପାରିଲେ ତାହା ହିଁ ଭଗବାନଙ୍କୁ ପ୍ରକୃତ ଉପହାର ଦେବା ସହ ସମାନ । ଏ କଥାକୁ ନିଜ କାର୍ଯ୍ୟ ମାଧ୍ୟମରେ କରି ଦେଖାଇଛନ୍ତି ନବରଙ୍ଗପୁର ଏସପି ନିତିନ କୁସଲକର ।
ଗରିବଙ୍କୁ କମ୍ବଳ ବାଣ୍ଟି ଏସପିଙ୍କ ନିଆରା ଢଙ୍ଗରେ ନବବର୍ଷ ପାଳନ
ନୂତନ ବର୍ଷକୁ ଆନନ୍ଦ ଉଲ୍ଲାସରେ ପାଳିବା ପାଇଁ କିଏ କେଉଁ ପନ୍ଥା ଆପଣାଇଥାନ୍ତି । ହେଲେ ନବରଙ୍ଗପୁର ଏସପି ନିତିନ କୁସଲକର ଆଜି ନିଆରା ଢଙ୍ଗରେ ନୁଆବର୍ଷ ପାଳନ କରୁଥିବା ଦେଖିବାକୁ ମିଳିଛି । କମ୍ବଳ ବୋହି ମନ୍ଦିରକୁ ମନ୍ଦିର ଏବଂ ବିଭିନ୍ନ ଗରିବଙ୍କ ଘରେ ପହଞ୍ଚି ଏସପି କମ୍ବଳ ବାଣ୍ଟୁଥିବା ଦେଖିବାକୁ ମିଳିଛି । ଏସପିଙ୍କ ଏହି କାର୍ଯ୍ୟକୁ ବିଭିନ୍ନ ମହଲରେ ସ୍ବାଗତ କରାଯାଇଛି ।
ଗତ ଦଶହରା ପୂଜା ସମୟରେ ମାଆ ଦୁର୍ଗାଙ୍କ ପୂଜା ମଣ୍ଡପରେ କୁମାରୀ କନ୍ୟାଙ୍କୁ ପୂଜା କରି ମାତୃଶକ୍ତି ହିଁ ସକଳ ଶକ୍ତିର ଆଧାର ବାର୍ତ୍ତା ଦେଇ ଚର୍ଚ୍ଚା ସାଉଁଟି ଥିବା ବେଳେ ଆଜି ନବବର୍ଷରେ ଗରିବଙ୍କୁ କମ୍ବଳ ବାଣ୍ଟି ପୁଣି ସେ ପ୍ରଶଂସା ସାଉଁଟିଛନ୍ତି ।
ନବରଙ୍ଗପୁରରୁ ତପନ ବିଷୋୟୀ, ଇଟିଭି ଭାରତ
