ନବରଙ୍ଗପୁର: ଦିର୍ଘଦିନ ଧରି ନବରଙ୍ଗପୁର ଜିଲା ମୁଖ୍ୟ ଡାକ୍ତରଖାନା ନିକଟରେ ଅସହାୟ ଅବସ୍ଥାରେ ଦିନ କ।ଟୁଥିବା ମାନସିକ ଭାରସାମ୍ୟ ହରାଇଥିବା ବୃଦ୍ଧାଙ୍କୁ ଉଦ୍ଧାର କରିଛନ୍ତି ନବରଙ୍ଗପୁର ଜିଲ୍ଲାପାଳ । ଡାକ୍ତରଖାନା ଗସ୍ତ ସମୟରେ ଜିଲ୍ଲାପାଳ ଅଜୀତ କୁମାର ମିଶ୍ର ବୃଦ୍ଧାଙ୍କୁ ଏପରି ଅବସ୍ଥାରେ ଦେଖିବା ପରେ କିଛି ଅଧିକାରୀଙ୍କୁ ପଠାଇ ବୃଦ୍ଧାଙ୍କୁ ସାହାଯ୍ୟ କରିବାକୁ ନିର୍ଦ୍ଦେଶ ଦେଇଥିଲେ ।
ବୃଦ୍ଧା ଜଣକ କିଛି ଦିନ ଡାକ୍ତରଖାନାରେ ଚିକିତ୍ସିତ ହେଉଥିବା ବେଳେ ମାନସିକ ଭାରସାମ୍ୟ ହରାଇ ଥିବାରୁ ଚିକିତ୍ସିତ ନହୋଇ ଖରା ବର୍ଷା ରାତି ଅନ୍ଧାରରେ ରହୁଥିବା ଦେଖିବାକୁ ମିଳିଥିଲା । ଅଜଣା ଅସହାୟ ବୃଦ୍ଧାଙ୍କ ପରିଚୟ ମିଳିନଥିବା ବେଳେ ଝାରସୁଗୁଡାରେ ଥିବା ଥଇଥାନ କେନ୍ଦ୍ରକୁ ପଠାଇବା ବ୍ୟବସ୍ଥା କରି ମାନବିକତାର ପରିଚୟ ଦେଇଛନ୍ତି ଜିଲାପାଳ । ଜିଲପାଳଙ୍କ ଏପରି ମହତ କାମକୁ ବେଶ ପ୍ରଶଂସା କରାଯାଇଛି ।
ଝାରସୁଗୁଡା ଆଶ୍ରା ନାମକ ସଂସ୍ଥାରେ ତାଙ୍କୁ ରଖିବା ଲାଗି ଜିଲ୍ଲାପାଳ ସମସ୍ତ ପ୍ରକାର ବ୍ୟବସ୍ଥା କରିଛନ୍ତି ।
ନବରଙ୍ଗପୁରରୁ ତପନ କୁମାର ବିଶୋୟୀ, ଇଟିଭି ଭାରତ
