ନବରଙ୍ଗପୁର: ତ୍ରିସ୍ତରୀୟ ପଞ୍ଚାୟତ ନିର୍ବାଚର ଆଜି ହୋଇଛି ଦ୍ବିତୀୟ ପର୍ଯ୍ୟାୟ ମତଦାନ । ଗଣତନ୍ତ୍ରର ଏହି ମହାପର୍ବରେ ବୃଦ୍ଧବୃଦ୍ଧାଙ୍କ ସମେତ ସାମିଲ ହୋଇଛନ୍ତି ଅନେକ ନେତା । ଏହି କ୍ରମରେ ନବରଙ୍ଗପୁର ବିଧାୟକ ସଦାଶିବ ପ୍ରଧାନୀ ମଧ୍ୟ ନିଜର ମତସାବ୍ୟସ୍ତ କରିଛନ୍ତି । ଦେଶର ସଚେତନ ନାଗରିକ ଭାବେ ନିଜ ମତାଧିକାର ସାବ୍ୟସ୍ତ କରିଥିବାରୁ ନିଜକୁ ଗୌରବନ୍ବିତ ମନେ କରୁଥିବା କହିଛନ୍ତି ବିଧାୟକ ।
ଆଜି ନବରଙ୍ଗପୁର ଜିଲ୍ଲାର ନନ୍ଦାହାଣ୍ଡି ଓ ତେନ୍ତୁଳିଖୁଣ୍ଟି ବ୍ଲକରେ ଦ୍ବିତୀୟ ପର୍ଯ୍ୟାୟ ମତଦାନ ହୋଇଛି । ନବରଙ୍ଗପୁର ବିଧାୟକ ସଦାଶିବ ପ୍ରଧାନ ତେନ୍ତୁଲିଖୁଣ୍ଟି ବ୍ଲକ ଅନ୍ତର୍ଗତ ପାତ୍ରପୁଟ ଗାଁରେ ଭୋଟ ଦେଇଛନ୍ତି । ସୂଚନାଯୋଗ୍ୟ ଯେ, ବିଧାୟକଙ୍କ ପରିବାରର ଚାରି ଜଣ ସଦସ୍ୟ ଚଳିତ ପଞ୍ଚାୟତ ନିର୍ବାଚନରେ ସରପଞ୍ଚ ଓ ସମିତି ସଭ୍ୟ ପ୍ରାର୍ଥୀ ଭାବେ ପ୍ରତିଦ୍ବନ୍ଦିତା କରୁଛନ୍ତି । ସାଧାରଣ ଲୋକଙ୍କ ପରି ବିଧାୟକ ଧାଡିରେ ଆସି ନିଜର ମତସାବ୍ୟସ୍ତ କରିଛନ୍ତି ।
ନବରଙ୍ଗପୁରରୁ ତପନ କୁମାର ବିଷୋୟୀ, ଇଟିଭି ଭାରତ
