ନବରଙ୍ଗପୁର: ଶାଶୁଙ୍କ ଇଟା ମାଡରେ ବୋହୁ ଗୁରୁତର । ଏମିତି ଏକ ଅଭାବନୀୟ ଘଟଣା ଦେଖିବାକୁ ମିଳିଛି ନବରଙ୍ଗପୁର ଜିଲ୍ଲା ଉମରକୋଟ ବ୍ଲକରେ ।
ଶାଶୁଙ୍କ ଇଟା ମାଡରେ ବୋହୁ ଗୁରୁତର
ଉମରକୋଟର ଡଙ୍ଗରିଗୁଡାରେ ମମତା ମଜୁମଦାର ବାହା ହୋଇଥିଲେ । ବାରମ୍ବାର ନିର୍ଯ୍ୟାତନା ଦିଆଯାଉଥିଲେ ମଧ୍ୟ ଝିଅର ପରିବାର କେବେବି ଉମରକୋଟ ଥାନାରେ ଅଭିଯୋଗ କରିନଥିଲେ । କିନ୍ତୁ ଟଙ୍କା ପାଇଁ ଶାଶୁ ଏକ ଇଟା ଧରି ନିଜ ବୋହୁକୁ ମୁଣ୍ଡରେ ଆଘାତ ଦେବା ପରେ ମମତା ନିଜ ଜୀବନ ବଞ୍ଚାଇ ଅନ୍ୟ ଜଣଙ୍କ ସାହାଯ୍ୟରେ ଉମରକୋଟ ମେଡିକାଲରେ ପହଞ୍ଚିଥିଲେ । ସେଠାରେ ଭାଇକୁ ଫୋନ ମାଧ୍ୟମରେ ଡାକିଥିଲେ । ଏନେଇ ମହିଳା ଜଣକ ଉମରକୋଟ ଥାନାରେ ଏକ ଏତଲା ମଧ୍ୟ ଦେଇଛନ୍ତି ।
ନବରଙ୍ଗପୁରରୁ ତପନ ବିଷୋୟୀ, ଇଟିଭି ଭାରତ
