ନବରଙ୍ଗପୁର: କିଏ ଜାଣେ ପ୍ରେମ କେତେବେଳେ କାହା ସହିତ ହୋଇଯାଏ । ଏପରି ଏକ ସମ୍ପର୍କ ଗଢି ଉଠିଥିଲା ନବରଙ୍ଗପୁର ଜିଲ୍ଲା ଟାଙ୍ଗିନୀ ଗ୍ରାମର ସୁନାଧର ଜାନି ଓ କୁମାରୀ ଜାନିଙ୍କ ମଧ୍ୟରେ । କିନ୍ତୁ ସମାଜ ପକ୍ଷରୁ ସ୍ବୀକୃତି ନ ମିଳିବାରୁ ପ୍ରେମୀ ଯୁଗଳ ଆତ୍ମହତ୍ୟା କରିଥିବା ଅଭିଯୋଗ ହୋଇଛି ।
ସେପଟେ ଆତ୍ମହତ୍ୟାର କାରଣ ଅସ୍ପଷ୍ଟ ଥିବା ବେଳେ ସୁନାଧର ଜାନି ଓ କୁମାରୀ ସମ୍ପର୍କୀୟ ଭାଇ ଭଉଣୀ । ତେବେ ଉଭୟ ଉଭୟଙ୍କୁ ଭଲ ପାଉଥିଲେ । କିନ୍ତୁ ପରିବାର ପକ୍ଷରୁ ସମ୍ପର୍କକୁ ସ୍ବୀକୃତି ନମିଳିବାରୁ ପିପଲପଦର ଗ୍ରାମରେ ପ୍ରେମୀ ଯୁଗଳ ଆତ୍ମହତ୍ୟା କରିଥିବାର ଗ୍ରାମବାସୀ ପ୍ରକାଶ କରିଛନ୍ତି ।
ଝିଅ ନିଜ ଓଢଣୀ ସାହାଯ୍ୟରେ ଓ ପୁଅ ନିଜ ଗାମୁଛା ସାହାଯ୍ୟରେ ଆତ୍ମହତ୍ୟା କରିଛନ୍ତି । ଘଟଣାସ୍ଥଳରେ ଡାବୁଗାଁ ପୋଲିସ ପହଞ୍ଚି ଶବ ବ୍ୟବଚ୍ଛେଦ ପାଇଁ ପଠାଇବା ସହ ତଦନ୍ତ ଜାରି ରଖିଛି ।
ନବରଙ୍ଗପୁରରୁ ତପନ ବିଷୋୟୀ, ଇଟିଭି ନ୍ୟୁଜ
