ନବରଙ୍ଗପୁର: ଟ୍ରାକ୍ଟରର ଟ୍ରଲି ଓଲଟି ଶ୍ରମିକ ମୃତ । ଏଭଳି ଘଟଣା ଘଟିଛି ଝରିଗାଁ ବ୍ଲକ ଚିତବେଡା ଗାଁ ନିକଟରେ । ମୃତକ ଶ୍ରମିକ ହେଲେ କରମରି ଗାଁର ଖେମରାଜ ଭତ୍ରା ।
ଆଜି(ରବିବାର) ସକାଳ ସମୟରେ ଖେମରାଜ କରମରି ଗାଁର ଗୌରଚାନ୍ଦ ଭତ୍ରାଙ୍କ ଟ୍ରାକ୍ଟରରେ ଚିପ୍ସ ଆଣିବା ପାଇଁ ଡାବୁଗାଁ ବ୍ଲକ ରାବନା ଗୁଡା ଗାଁକୁ ଯାଇଥିଲେ । ଚିପ୍ସ ଲୋଡକରି ଫେରୁଥିବାବେଳେ ଚିତାବେଡା ଗାଁ ନିକଟରେ ଟ୍ରାକ୍ଟରଟି ଦ୍ରୁତ ଗତିରେ ଥିବା ଯୋଗୁଁ ଟ୍ରଲି ଓଲଟି ପଡିବା ଫଳରେ ଟ୍ରଲିରେ ବସିଥିବା ଖେମରାଜ ଟ୍ରଲି ତଳେ ଚାପି ହୋଇ ମୃତ୍ୟୁବରଣ କରିଥିଲେ ।
ଭିଡିଓ ସୌଜନ୍ୟ: ସମ୍ବାଦଦାତା, ନବରଙ୍ଗପୁର
ଘଟଣାସ୍ଥଳରେ ଝରିଗାଁ ପୋଲିସ ପହଞ୍ଚି ତଦନ୍ତ କରିବା ସହ ଶବ ବ୍ୟବଚ୍ଛେଦ ପାଇଁ ଝରିଗାଁ ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରକୁ ପଠାଇ ତଦନ୍ତ ଆରମ୍ଭ କରୁଛି ।
ନବରଙ୍ଗପୁରରୁ ତପନ ବିଷୋୟୀ, ଇଟିଭି ଭାରତ
