ନବରଙ୍ଗପୁର: କୋରୋନା ସଙ୍କଟ ସମୟରେ ବିନା ଭୟରେ ନିଜ ଜୀବନକୁ ସେବାରେ ନିୟୋଜିତ କରି ଯୋଦ୍ଧା ସାଜିଛନ୍ତି ସ୍ୱାସ୍ଥ୍ୟ ବିଭାଗର କର୍ମଚାରୀ। ତେବେ ନବରଙ୍ଗପୁର ଜିଲ୍ଲା ନାଗରିକ ମଞ୍ଚ ପକ୍ଷରୁ ଏମାନଙ୍କୁ ସମ୍ମାନିତ କରାଯାଇଛି । ନାଗରିକ ମଞ୍ଚ ପକ୍ଷରୁ ନବରଙ୍ଗପୁର ସ୍ୱାସ୍ଥ୍ୟ ବିଭାଗର କର୍ମଚାରୀଙ୍କ ଉପରେ ପୁଷ୍ପ ବୃଷ୍ଟି କରାଯାଇଛି ।
କୋରୋନା ଯୋଦ୍ଧାଙ୍କ ଉପରେ ପୁଷ୍ପ ବୃଷ୍ଟି
କୋରୋନା ବିଶ୍ୱରେ ନିଜ କାୟା ବିସ୍ତାର କରି ଅନେକ ଲୋକଙ୍କ ପ୍ରାଣ ନେଉଥିବା ବେଳେ ସ୍ୱାସ୍ଥ୍ୟ ବିଭାଗର ଅକ୍ଲାନ୍ତ ପରିଶ୍ରମ କରୁଛନ୍ତି ଏହି ଯୋଦ୍ଧା । ତେଣୁ ଏହି ଯୋଦ୍ଧାଙ୍କ ସମ୍ମାନରେ ସେମାନଙ୍କ ଉପରେ ପୁଷ୍ପ ବୃଷ୍ଟି କରାଯାଇଥିବା ସହ ଉପଢକନ ଦେଇ ସମ୍ମାନ କରାଯାଇଥିବା ନାଗରିକ ମଞ୍ଚ ପ୍ରକାଶ କରିଛି । ଏହି ଭଳି ସମ୍ମାନ ପ୍ରଦର୍ଶନ ଦ୍ୱାରା କୋରୋନା ଯୋଦ୍ଧାଙ୍କ ମନୋବଳ ଅଧିକ ସୁଦୃଢ଼ ହୋଇପାରିବ ବୋଲି ଆଶା ପ୍ରକାଶ ପାଇଛି ଓ ଆଗାମୀ ଦିନରେ ନୂତନ ଆଶା ଓ ଆତ୍ମବିଶ୍ବାସର ସହିତ କାମ କରିପାରିବେ ବୋଲି ଚର୍ଚ୍ଚା ହେଉଛି ।
ନବରଙ୍ଗପୁରରୁ ତପନ କୁମାର ବିଷୋୟୀ, ଇଟିଭି ଭାରତ
