ନବରଙ୍ଗପୁର: ଜିଲ୍ଲା ତେନ୍ତୁଳିଖୁଣ୍ଟି ବ୍ଲକ ପାତ୍ରପୁଟଠାରେ ଓଡିଶାରେ ପ୍ରଥମ ଥର ପାଇଁ ପବନ ଏବଂ ସୌର ଶକ୍ତିର ଅତ୍ୟାଧୁନିକ ଜଳ ଉତ୍ତୋଳନ ପ୍ରକଳ୍ପର ଉଦଘାଟନ ହୋଇଛି । ଏହାକୁ ଉଦଘାଟନ କରିଛନ୍ତି ସାଂସଦ ରମେଶ ଚନ୍ଦ୍ର ମାଝୀ ।
ଏହି ପ୍ରକଳ୍ପ ଦ୍ବାରା ଦିନ ବେଳା ସୌର ଶକ୍ତି ଏବଂ ରାତ୍ର ସମୟରେ ବାୟୁ ଦ୍ବାରା ବର୍ଷ ତମାମ ଜଳ ଉତ୍ତୋଳନ କରିବାର ଏକ ଶକ୍ତଶାଳୀ ପ୍ରକଳ୍ପ ବୋଲି ଉଦଘାଟନୀ ଉତ୍ସବରେ ଯୋଗ ଦେଇଥିବା ବୈଜ୍ଞାନିକ ମତ ରଖିଛନ୍ତି । ଏହି ପ୍ରକଳ୍ପ ଦ୍ବାରା ଚାଷୀ ଆଉ ବର୍ଷା ଉପରେ ନିର୍ଭର କରିବ ନାହିଁ । ଏହି ପ୍ରକଳ୍ପ ସ୍ୱଳ୍ପ ଭରଣପୋଷଣ ଉଚ୍ଚସମ୍ପର୍ଣ ଏବଂ ସ୍ୱଳ୍ପ ସ୍ଥାନରେ ଅତ୍ୟାବଶ୍ୟକ ପ୍ରକଳ୍ପ ଯାହାକି ବ୍ୟବହାରର ଏକ ସ୍ୱତନ୍ତ ବୈଶିଷ୍ଟ୍ୟ ରହିଛି ।
ଏହି ପ୍ରକଳ୍ପ ଭୁବନେଶ୍ୱରର ଏକ ସଂସ୍ଥା ସରଞ୍ଜାମ ଯୋଗାଇଥିବା ବେଳେ କୃଷି ଏବଂ କୃଷକ ଯୋଗାଣ ସଂସ୍ଥା ଦ୍ୱାରା ଏଠାରେ ସ୍ଥାପନ କରାଯାଇଛି । ଏହି ଜଳ ଉତ୍ତୋଳନ ଭୂତଳ ଜଳସ୍ତର ନିରୂପଣ କରି ଆପେ ଆପେ ବନ୍ଦ ହେଇପାରିବ । ଏହି ପ୍ରକଳ୍ପର ଉଦଘାଟନ ସମୟରେ ନବରଙ୍ଗପୁର ବିଧାୟକ ସଦାଶିବ ପ୍ରଧାନୀ ,ନବରଙ୍ଗପୁର ଜିଲ୍ଲାପାଳ ଡ଼ ଅଜିତ କୁମାର ମିଶ୍ର ,ଜିଲ୍ଲା ପ୍ରକଳ୍ପ ନିର୍ଦ୍ଦେଶକ ରମାକାନ୍ତ ନାୟକ ,ପରିଚାଳକ ଯନ୍ତ୍ରୀ ଜଗନ୍ନାଥ ତ୍ରିପାଠୀ ,ବୈଜ୍ଞାନିକ ଶ୍ରୀ ସତ୍ୟଜିତ ରଥ , ମୁଖ୍ୟ ବୈଜ୍ଞାନିକ ସ୍ନେହାସୀସ ବେହେରା ଗୋଷ୍ଠି ଉନ୍ନୟନ ଅଧିକାରୀ ପଦ୍ମନାଭ ତ୍ରିପାଠୀ ପ୍ରମୁଖ ଉପାସ୍ଥିତ ଥିଲେ ।
ନବରଙ୍ଗପୁରରୁ ତପନ କୁମାର ବିଷୋୟୀ,ଇଟିଭି ଭାରତ
