ନବରଙ୍ଗପୁର: ଜିଲ୍ଲାପାଳ ଓ ଏସପିଙ୍କ ଅଚାନକ ଜିଲ୍ଲା ମୁଖ୍ୟଚିକିତ୍ସାଳୟ ପରିଦର୍ଶନ । ନବରଙ୍ଗପୁର ଜିଲ୍ଲାପାଳ ଡକ୍ଟର ଅଜିତ କୁମାର ମିଶ୍ର ଓ ଏସପି ନିତିନ କୁଶଲକର ହଠାତ ରାତିରେ ମୁଖ୍ୟ ଚିକିତ୍ସାଳୟରେ ପହଞ୍ଚି ଶୀତ ରାତିରେ ମେଡିକାଲରେ ଥିବା ରୋଗୀଙ୍କ ବାସ୍ତବ ସ୍ଥିତି ପରଖିଥିଲେ ।
ପ୍ରବଳ ଶୀତ ହେଉଥିବାରୁ ମେଡିକାଲରେ ରହି ଚିକିତ୍ସିତ ହେଉଥିବା ଗରିବ ରୋଗୀ ଓ ତାଙ୍କ ସମ୍ପର୍କୀୟଙ୍କୁ ପ୍ରଥମେ କମ୍ବଳ ବଣ୍ଟିଥିଲେ । ଏହାପରେ ମେଡିକାଲରେ ଡାକ୍ତର ଓ ଅନ୍ୟ ମେଡିକାଲ କର୍ମଚାରୀଙ୍କ ବ୍ୟବହାର ତଥା ଡାକ୍ତରଙ୍କ ଚିକିତ୍ସା କିଭଳି ରହିଛି ଓ ରୋଗୀମାନେ ଡାକ୍ତରଙ୍କ ବ୍ୟବହାର ଓ ଚିକିତ୍ସାରେ କେତେ ସନ୍ତୁଷ୍ଟ ଅଛନ୍ତି ସେ ବିଷୟରେ ପଚାରି ବୁଝିଥିଲେ ।
ଏହାସହ ମେଡିକାଲରେ ମାଗଣା ଔଷଧ ଯୋଗାଇ ଦିଆଯାଉଛି ନା ନାହିଁ ତାହା ରୋଗୀଙ୍କୁ ପଚାରି ବୁଝିଥିଲେ । ମେଡିକାଲରେ ସାହାଯ୍ୟ ଯୋଗାଇଦେବା ନାଁରେ କୌଣସି ଦଲାଲ ସକ୍ରିୟ ଅଛନ୍ତି କି ନା ଏବଂ ରୋଗୀଙ୍କ ଠାରୁ ଟଙ୍କା ଆଦାୟ ହେଉଛି କି ନାହିଁ ତାହା ମଧ୍ୟ ପଚାରି ବୁଝିଥିଲେ ।
ନବରଙ୍ଗପୁରରୁ ତପନ ବିଷୋୟୀ, ଇଟିଭି ଭାରତ