ବାରିପଦା/କେନ୍ଦୁଝର: କୁହାଯାଏ ଭାଷା ଯେ କୌଣସି ଜାତି, ସମ୍ପ୍ରଦାୟ ଓ ସମୁଦାୟର ପ୍ରଥମ ପରିଚୟ । କିନ୍ତୁ ପାଶ୍ଚାତ୍ୟ ସଂସ୍କୃତିର ପ୍ରଭାବ, ପ୍ରଯୁକ୍ତିବିଦ୍ୟା ଓ ସଫ୍ଟଓ୍ବେରର ବହୁଳ ବ୍ୟବହାର ଫଳରେ ଆଜିର ଯୁବପିଢି ନିଜ ମାତୃଭାଷା ପ୍ରତି ମୁହଁ ଫେରାଇ ନେଇ ଏବେ ଇରାଜୀ ମୁହାଁ ହେଲେଣି । ଏକଥା ବୁଦ୍ଧିଜୀବୀ ଓ ଭାଷାପ୍ରେମୀଙ୍କ ମହଲରେ ଅନେକ ଥର ଚର୍ଚ୍ଚାର ବିଷୟ ପାଲଟିଛି । ମାତ୍ର ଏପରି ଜଣେ ଆଦିବାସୀ ଯୁବକଙ୍କୁ ନେଇ ଚର୍ଚ୍ଚା, ଯିଏ ନିଜ ଉଦ୍ୟମରେ ନିଜର ମାତୃଭାଷାକୁ କାଗଜ କଲମରୁ ଦେଇଛନ୍ତି, ଡିଜିଟାଲ ରୂପ ।
- ଡିଜିଟାଲ ବୟ ରାମଜିତ:
ତାଙ୍କ ଉଦ୍ୟମରେ ଇଣ୍ଟରନେଟରେ ମଧ୍ୟ ଉପଲବ୍ଧ ହେଉଛି ମାତୃଭାଷା । ଛାତ୍ର ଜୀବନରୁ ଗତ ୧୦ ବର୍ଷ ଧରି ତାଙ୍କର ଏହି ଉଦ୍ୟମ ଆଜି ସଫଳ ହୋଇଛି । ଲ୍ୟାପଟପ ଓ ମୋବାଇଲ ଡିସପ୍ଲେରେ ଏବେ ଉପପବ୍ଧ ହେଉଛି ଭାଷା । ଏ କାହାଣୀ ହେଉଛି ଆଦିବାସୀବହୁଳ ମୟୂରଭଞ୍ଜ ଜିଲ୍ଲାର ଯୁବକ ରାମଜିତ ଟୁଡୁଙ୍କର । ଗତକାଲି ପର୍ଯ୍ୟନ୍ତ ଅଜଣା ଥିବା ଏହି ଯୁବକ ଏବେ ଦେଶବ୍ୟାପୀ ଚର୍ଚ୍ଚାର କେନ୍ଦ୍ରବିନ୍ଦୁ ପାଲଟିଛନ୍ତି । କାରଣ ଦେଶର ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ତାଙ୍କ ସଫଳତା କାହାଣୀ ଦେଶକୁ ଶୁଣାଇଛନ୍ତି ।
- ପ୍ରଧାନମନ୍ତ୍ରୀ କରିଥିଲେ ପ୍ରଶଂସା:-
ଗତକାଲି ରବିବାର (ସେପ୍ଟେମ୍ବର ୨୯) ଅବସରରେ ସାପ୍ତାହିକ ରେଡିଓ ସମ୍ବାଦ କାର୍ଯ୍ୟକ୍ରମ ‘ମନ କି ବାତ’ରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ରାମଜିତ ଟୁଡୁଙ୍କ ଭାଷା ନବସୃଜନ ସମ୍ପର୍କରେ ଉଲ୍ଲେଖ କରିବା ସହ ରାମଜିତଙ୍କୁ ପ୍ରଶଂସା ମଧ୍ୟ କରିଥିଲେ । ରାମଜିତ ପ୍ରଧାନମନ୍ତ୍ରୀଙ୍କୁ ଧନ୍ୟବାଦ ଦେଇଛନ୍ତି । ନିଜର ପ୍ରଚେଷ୍ଟା ଓ ସାନ୍ତାଳୀ ଭାଷାକୁ କାଗଜ କଲମର ସୀମତତାରୁ ବାହାର କରି ଡିଜିଟାଲାଇଜେସନ କରିବାର ଦୀର୍ଘ ୧୦ ବର୍ଷରୁ ଅଧିକ ସମୟର ଲମ୍ବା ପ୍ରୟାସର କଥା ମଧ୍ୟ କହିଛନ୍ତି ।
- ଇଣ୍ଟରନେଟରେ ନିଜ ମାତୃଭାଷା ନଥିବା ବ୍ୟଥିତ କରିଥିଲା :-
ରାମଜିତି କହିଛନ୍ତି,‘‘ 2014 ରେ ଆଣ୍ଡ୍ରୋଏଡ୍ ଫୋନ ଆସିଲା । ସେତେବେଳେ ଇଣ୍ଟରେନଟ ବ୍ୟବହାରର ସୁଯୋଗ ପାଇଲି । ଆମେ ଦେଖିଲୁ ଅନ୍ୟ ଭାଷାରେ ଲେଖାଯାଇ ପାରୁଛି । କିନ୍ତୁ ଇଣ୍ଟରନେଟରେ ସାନ୍ତାଳୀ ଭାଷା ଉପଲବ୍ଧତା ନଥିଲା । ଆମ ନିଜ ଲିପି (ଅଲଚିକି)ରେ ଇଣ୍ଟରନେଟରେ କଥାବାର୍ତ୍ତା କରିପାରିବା ପାଇଁ ମୁଁ ପ୍ରୟାସ କଲି । ସେହି ପ୍ରୟାସ ଆଜି ମତେ ଏଠାରେ ପହଞ୍ଚାଇଛି । ମୁଁ ରାଉରକେଲାରେ ପାଠ ପଢିବା ବେଳେ ଟୁ-ଜି ନେଟଓ୍ବାର୍କ ବ୍ୟବହାର କରୁଥିଲି । ଯାହା ଯଥେଷ୍ଟ ନଥିଲା । ଫଳରେ ପାଠପଢା ପକେଟ୍ ମନି ଖର୍ଚ୍ଚ କରି ସାଇବର କାଫେ ଯାଉଥିଲି ଓ ସେଠାରେ ସାନ୍ତାଳୀ ଭାଷାକୁ ଡିଜିଟାଲ ଆକାର ଦେବା ପାଇଁ କାମ କରୁଥିଲି । ଆଜି ତାହା ସଫଳ ହୋଇଛି ।’’
ଏହା ମଧ୍ୟ ପଢନ୍ତୁ :- ‘ମନ କି ବାତ’ରେ ମୟୂରଭଞ୍ଜ ଯୁବକ, ସାନ୍ତାଳୀ ଭାଷାକୁ ଦେଇଛନ୍ତି ଡିଜିଟାଲ ପରିଚୟ - PM MANN KI BAAT ଏହା ମଧ୍ୟ ପଢନ୍ତୁ :- ରାସନ କାର୍ଡ EKYCକୁ ନେଇ ଆସିଲା ବଡ଼ ଅପଡେଟ୍, ଏମିତି କହିଲେ ମନ୍ତ୍ରୀ - RATION CARD VERIFICATION |
- ରାମଜିତଙ୍କ ସମ୍ପର୍କରେ...
ରାମଜିତଙ୍କ ଘର ମୟୂରଭଞ୍ଜ ଜିଲ୍ଲା କୁସୁମୀ ବ୍ଲକ ବାଦାମପାହାଡ ଅନ୍ତର୍ଗତ ଗୋବିନ୍ଦପୁର ଗାଁରେ । ଯୁକ୍ତ ଦୁଇ ଓ ଡିପ୍ଲୋମା ଶେଷ କରିବା ପରେ ସେ ଏବେ ଯଶୀପୁର ତହସିଲରେ ସହାୟକ ରାଜସ୍ବ ନିରୀକ୍ଷକ (ARI) ଭାବେ ନିଯୁକ୍ତି ପାଇଛନ୍ତି । କେନ୍ଦୁଝର ବୋଦାପଳଶା ସ୍ଥିତ ତାଲିମ କେନ୍ଦ୍ରରେ ତାଙ୍କର ପ୍ରଶିକ୍ଷଣ ଜାରି ରହିଛି । ଏହା ସହ ସେ ସାନ୍ତାଳୀ ଭାଷାର ଡିଜିଟାଲ ବିକାଶ ପାଇଁ ଆରମ୍ଭ କରିଥିବା ଅଲଚିକି ଟେକ ପେଜ’ ଜରିଆରେ କାମ ମଧ୍ୟ ଜାରି ରଖିଛନ୍ତି । ଏବେ ପ୍ରଧାନମନ୍ତ୍ରୀଙ୍କ ପ୍ରଶଂସା ପରେ ଚାରିଆଡୁ ତାଙ୍କୁ ଶୁଭେଚ୍ଛାର ସୁଅ ଛୁଟିଛି ।
ଏହା ମଧ୍ୟ ପଢନ୍ତୁ :- ଢେଙ୍କାନାଳରେ ସାନ୍ତାଳୀ ଭାଷା ବିଜୟୀ ଦିବସ ପାଳିତ ଏହା ମଧ୍ୟ ପଢନ୍ତୁ :- ସାନ୍ତାଳୀ ଭାଷାକୁ ମାନ୍ୟତା ଦାବି, ଆଦିବାସୀ ସଂଗଠନର ଜିଲ୍ଲାପାଳ କାର୍ଯ୍ୟାଳୟ ଘେରାଉ |
- ଓଡିଶା ବାହାରେ ସାନ୍ତାଳୀ ଭାଷା ସମ୍ମିଳନୀରେ ଅଂଶଗ୍ରହଣ କରନ୍ତି
ରାମଜିତ କୁହନ୍ତି,‘‘ଓଡିଶାର ବିଭିନ୍ନ ସ୍ଥାନରେ ଭାଷା ସମ୍ପର୍କିତ କାର୍ଯ୍ୟକ୍ରମରେ ଅଂଶଗ୍ରହଣ କରିଛି । ଓଡିଶା ବାହାରେ କୌଣସି ସ୍ଥାନରେ ସାନ୍ତାଳୀ ଭାଷା ଓ ଲେଖକ ସମ୍ମିଳନୀ ଆୟୋଜନ ହେଲେ ମୁଁ ସେଠାକୁ ଅଂଶଗ୍ରହଣ କରିବାକୁ ଯାଏ । କାର୍ଯ୍ୟକ୍ରମରେ ଅଂଶଗ୍ରହଣ କରୁଥିବା ଲୋକଙ୍କୁ ଭାଷା ସମ୍ପର୍କରେ ସଚେତନ କରିଆସିଛି । ଏବେ ଦେଶର ପ୍ରଧାନମନ୍ତ୍ରୀ ମୋର ଏହି ପ୍ରୟାସକୁ ପ୍ରଶଂସା କରିଥିବାରୁ ତାଙ୍କୁ ଧନ୍ୟବାଦ ଦେଉଛି ।’’ ମହାମହିମ ରାଷ୍ଟ୍ରପତି ଦ୍ରୌପଦୀ ମୁର୍ମୁ ମଧ୍ୟ ମୟୂରଭଞ୍ଜର ଓ ଆଦିବାସୀ ସମ୍ପ୍ରଦାୟର । ତେଣୁ ରାମଜିତ କହିଛନ୍ତି,‘‘ରାଷ୍ଟ୍ରପତି ଆମ ଅଞ୍ଚଳର ଓ ଆମ ସମ୍ପ୍ରଦାୟର ମଧ୍ୟ । ସେ ଯେପର୍ଯ୍ୟନ୍ତ କ୍ଷମତାରେ ଅଛନ୍ତି, ସାନ୍ତାଳୀ ଭାଷାକୁ ସ୍ତରକୁ ନେଲେ ମୁଁ ଖୁସି ହେବି ।
ଇଟିଭି ଭାରତ, ରାରଙ୍ଗପୁର ଓ କେନ୍ଦୁଝର
