ହାଇଦ୍ରାବାଦ: ଅନେକ ଲୋକ ନୂଆ କାର କିଣିବାକୁ ସକ୍ଷମ ହୋଇନଥାନ୍ତି । ଫଳରେ ସେମାନେ ସେକେଣ୍ଡ ହ୍ୟାଣ୍ଡ କାର କିଣିଥାନ୍ତି । ହେଲେ ଅନ୍ୟର ବ୍ୟବହୃତ କାରକୁ କିଣିବାରେ ସାବଧାନ ନହେଲେ ଆପଣ ଠକେଇର ଶିକାର ହୋଇପାରନ୍ତି । ଯଦି ଆପଣ ପ୍ରଥମ ଥର ଲାଗି ସେକେଣ୍ଡ ହ୍ୟାଣ୍ଡ କାର କିଣୁଛନ୍ତି ତେବେ ଏହି ଖବରଟି ଆପଣଙ୍କ ପାଇଁ । କାରଟି କିଣିବା ପୂର୍ବରୁ କେଉଁ କେଉଁ ଡକ୍ୟୁମେଣ୍ଟ ଯାଞ୍ଚ କରିବା କଥା ଜାଣି ରଖନ୍ତୁ ।
କାରକୁ ଯାଞ୍ଚ କରନ୍ତୁ: ଯେତେବେଳେ ଆପଣ ସେକେଣ୍ଡ ହ୍ୟାଣ୍ଡ କାର କିଣୁଛନ୍ତି ପ୍ରଥମେ କାର କିପରି ଅବସ୍ଥାରେ ଅଛି ତାହାକୁ ଯାଞ୍ଚ କରନ୍ତୁ । ଯଦି ଆପଣଙ୍କ କାରର ଇଞ୍ଜିନ ଆଦି ଉପରେ ବିଶେଷ ଧାରଣା ନାହିଁ, ତେବେ ଆପଣ କୌଣସି ମେକାନିକ୍ର ସହାୟତା ନେଇପାରିବେ । ମାତ୍ର କାରଟି କିଣିବା ପୂର୍ବରୁ ଏହାକୁ ଭଲ ଭାବେ ଯାଞ୍ଚ କରିବା ଉଚିତ ।
ଟାୟାର ଚେକ୍ କରନ୍ତୁ: ସେକେଣ୍ଡ ହ୍ୟାଣ୍ଡ କାରଟି କିଣିବା ପରେ ସଙ୍ଗେ ସଙ୍ଗେ ଏହାର ଟାୟାରର ସ୍ଥିତି କିପରି ଅଛି ତାହା ଯାଞ୍ଚ କରିବା ମଧ୍ୟ ଆବଶ୍ୟକ । ଯଦି ଟାୟାର ସ୍ଥିତି ଭଲ ନାହିଁ ତେବେ ତୁରନ୍ତ ଏହାକୁ ବଦଳାନ୍ତୁ । ଅନେକ ଲୋକ ଏପରି ବ୍ୟବହୃତ କାର କିଣିବା ପରେ ତୁରନ୍ତ ଏହାର ଟାୟାର ବଦଳାଇ ନୂଆ ଲଗାଇଥାନ୍ତି ।
କାରର ମେଣ୍ଟେନାନ୍ସ ରେକର୍ଡ ଯାଞ୍ଚ କରନ୍ତୁ: ସେକେଣ୍ଡ ହ୍ୟାଣ୍ଡ କାର କିଣିବା ପୂର୍ବରୁ ଏହାର ରକ୍ଷଣାବେକ୍ଷଣ ବା ମେଣ୍ଟେନାନ୍ସ ରେକର୍ଡ ଯାଞ୍ଚ କରିବାକୁ ନିଶ୍ଚିତ କରନ୍ତୁ । କାରଟି ସଠିକ୍ ଭାବରେ ସର୍ଭିସ କରାଯାଇଛି କି ନାହିଁ ଏହା ଆପଣଙ୍କୁ ଜଣାଇବ । କାରଟି କେତେ ଭଲ ଅଛି ଏହା ମଧ୍ୟ ଆପଣଙ୍କୁ ଏହି ରେକର୍ଡ କହିବ ।
ରେଜିଷ୍ଟ୍ରେସନ ଯାଞ୍ଚ କରନ୍ତୁ: କୌଣସି ବ୍ୟବହୃତ କାର କିଣିବା ପୂର୍ବରୁ ଏହା ରେଜିଷ୍ଟ୍ରେଟ ହୋଇଛି କି ନାହିଁ ତାହା ଯାଞ୍ଚ କରନ୍ତୁ । ଏହି କାରର ପ୍ରଡକ୍ସନ ତାରିଖ କେବେ ? ଏହା କେବେ କିଣାଯାଇଥିଲା ? ଏ ସମ୍ପର୍କରେ ମଧ୍ୟ ତଥ୍ୟ ନିଜ ପାଖରେ ରଖନ୍ତୁ । ଯାହାଦ୍ବାରା କାରଟି କେତେ ପୁରୁଣା ଏ ସମ୍ପର୍କରେ ଆପଣଙ୍କୁ ସବିଶେଷ ତଥ୍ୟ ମିଳିଯିବ ।
ଇନ୍ସୁରାନ୍ସ: ବ୍ୟବହୃତ କାର କିଣିବା ପରେ ତୁରନ୍ତ ଏହାର ବୀମା ବା ଇନସୁରାନ୍ସ ଆପଣଙ୍କ ନାମକୁ ସ୍ଥାନାନ୍ତରିତ ହେବା ଉଚିତ । ଯଦି ଆପଣ ଠିକ୍ ସମୟରେ ତାହା କରନ୍ତି ନାହିଁ ତେବେ ଆପଣ ଆଇନଗତ ସମସ୍ୟାର ସମ୍ମୁଖୀନ ହୋଇପାରନ୍ତି ।
ଟେଷ୍ଟ ଡ୍ରାଇଭ: ବ୍ୟବହୃତ କାର କିଣିବା ପୂର୍ବରୁ ଆପଣ ନିଶ୍ଚିତ ଭାବରେ କାର୍ ଡ୍ରାଇଭ୍ ଟେଷ୍ଟ କରନ୍ତୁ । ଏହି ସମୟରେ ଆପଣ ଏହାକୁ ରାଜପଥ, ସଂକୀର୍ଣ୍ଣ ରାସ୍ତା କିମ୍ବା ଟ୍ରାଫିକ୍ ରାସ୍ତାରେ ଚଲାଇ ପରୀକ୍ଷା କରିପାରିବେ । ନିଶ୍ଚିତ କରନ୍ତୁ ଯେ ପରୀକ୍ଷା ସମୟରେ କାରର ବ୍ରେକ୍, କ୍ଲଚ୍, ଆକ୍ସେଲେଟର ସଠିକ୍ ଭାବରେ କାମ କରୁଛି । ଯଦି ଏହି ସବୁ ଠିକ ଅଛି ତେବେ କେବଳ ସେତେବେଳେ ଉକ୍ତ କାର କିଣିବାକୁ ସ୍ଥିର କରନ୍ତୁ । ଯଦି ଆପଣ ଉପରୋକ୍ତ ଟିପ୍ସଗୁଡିକ ଅନୁସରଣ କରୁନାହାଁନ୍ତି ତେବେ ଆପଣ ଆଇନଗତ କାର୍ଯ୍ୟାନୁଷ୍ଠାନର ସମ୍ମୁଖୀନ ହୋଇପାରନ୍ତି । ତେଣୁ କାର କିଣିବାବେଳେ କାରର ଡକ୍ୟୁମେଣ୍ଟ ଯାଞ୍ଚ କରନ୍ତୁ ।
