ନବରଙ୍ଗପୁର: କୋରୋନା ସହାୟତା ପାଇଁ ଝରିଗାଁ ବିଧାୟକ ପ୍ରକାଶ ମାଝୀ ତିନି ମାସର ଦରମା ମୁଖ୍ୟମନ୍ତ୍ରୀଙ୍କ ରିଲିଫ ପାଣ୍ଠିଙ୍କୁ ପ୍ରଦାନ କରିଛନ୍ତି । ସାରା ବିଶ୍ବରେ ମାନବ ସମାଜ ପାଇଁ ଭୟାନକ ପରିସ୍ଥିତି ସୃଷ୍ଟି କରିଥିବା ମହାମାରୀ କୋରୋନା ମୁକାବିଲାରେ ଖର୍ଚ୍ଚ କରାଯିବ ।
ନବରଙ୍ଗପୁର ଜିଲ୍ଲା ଝରିଗାଁ ନିର୍ବାଚନମଣ୍ଡଳୀର ପ୍ରଥମ ଥର ବିଧାୟକ ହୋଇଥବା ପୂର୍ବତନ ମନ୍ତ୍ରୀ ତଥା ନବରଙ୍ଗପୁର ସାଂସଦ ରମେଶ ମାଝୀଙ୍କ ଭାଇ ପ୍ରକାଶ ମାଝୀ ନିଜ ତିନି ମାସର ଦରମା 1,05,000/- ଟଙ୍କା ମୁଖ୍ୟମନ୍ତ୍ରୀଙ୍କ ରିଲିଫ ପାଣ୍ଠିକୁ ଦାନ କରିଛନ୍ତି । ମହାମାରୀ କୋରନାର ମୁକାବିଲା ପାଇଁ ଦାନ କରିଛନ୍ତି ବିଧାୟକ । ଏଥିସହ ସେ ଜନସାଧାରଣଙ୍କୁ ନିଜ ଘରେ ରହି ସୁରକ୍ଷିତ ଓ ସୁସ୍ଥ ରେ ରୁହନ୍ତୁ "କରୋନା ହାରିବ ଏବଂ ଆପଣ ନିଶ୍ଚିତ ଜିତିବେ" ବୋଲି ଅପିଲ କରିଛନ୍ତି ।
ନବରଙ୍ଗପୁରରୁ ତପନ କୁମାର ବିଷୋୟୀ, ଇଟିଭି ଭାରତ
