ନବରଙ୍ଗପୁର: ନବରଙ୍ଗପୁର ଡେଙ୍ଗାଗୁଡା ଗ୍ରାମରେ କୋରୋନା ସତର୍କତା ପାଇଁ ହୋଇଛି ରାସ୍ତା ସିଲ । ବିଭିନ୍ନ ଗାଁକୁ ସିଲ କରି ଗାଁର ଯୁବଗୋଷ୍ଠୀ ବାଣ୍ଟିଛନ୍ତି ସତର୍କତା ବାର୍ତ୍ତା । ଯାହା ସ୍ଥାନୀୟ ଅଞ୍ଚଳରେ ଉଦାହରଣ ସୃଷ୍ଟି କରିଛି । ଏଭଳି ଦୃଶ୍ୟ ଦେଖିବାକୁ ମିଳିଛି ନବରଙ୍ଗପୁର ଜିଲ୍ଲା ତେନ୍ତୁଳିଖୁଣ୍ଟି ବ୍ଲକ ଅଁଳାଭଟ୍ଟା ପଞ୍ଚାୟତ ଅନ୍ତର୍ଗତ ଡେଙ୍ଗାଗୁଡା ଗ୍ରାମରେ l
ଗାଁର ଯୁବଗୋଷ୍ଠୀ କୋରୋନା ପାଇଁ ସତର୍କ ରହିବା ସହ ଗାଁ ଭିତରକୁ ବାହାର ଲୋକଙ୍କୁ ପ୍ରବେଶ ନକରାଇଦେବା ପାଇଁ ଗ୍ରାମର ପ୍ରବେଶ ପଥକୁ ବାଉଁଶ ବାନ୍ଧି ଗାଁକୁ ସିଲ କରିଛନ୍ତି । ଏଥିସହ ନିଜ ଗ୍ରାମକୁ କିପରି ସୁରକ୍ଷିତ ରଖା ଯାଇପାରିବ ସେନେଇ ପ୍ରୟାସ ଆରମ୍ଭ କରିଛନ୍ତି l ସେପଟେ ଗ୍ରାମବାସୀଙ୍କୁ କୋରୋନା ଭୂତାଣୁ ସମ୍ପର୍କରେ ସଚେତନ କରିବା ସହିତ ଗାଁ ମୁଣ୍ଡରେ ବାଉଁଶ ବାଡ଼ ବାନ୍ଧି ଜଗୁଛନ୍ତି ଗ୍ରାମର ଯୁବଗୋଷ୍ଠୀ l
କେବଳ ସେତିକି ନୁହେଁ କୋରୋନା ଭୂତାଣୁକୁ ଗାଁ ଭିତରକୁ ପ୍ରବେଶ ନକରାଇ ଦେବା ପାଇଁ ଯୁବଗୋଷ୍ଠି ଶପଥ ମଧ୍ୟ ନେଉଥିବା ଦେଖିବାକୁ ମିଳିଛି ।
ନବରଙ୍ଗପୁରରୁ ତପନ କୁମାର ବିଷୋୟୀ, ଇଟିଭି ଭାରତ
