ନବରଙ୍ଗପୁର:କଳିଙ୍ଗ ନଗର ଗୁଳିକାଣ୍ଡ ଘଟଣାକୁ ୧୫ ବର୍ଷ ପୂର୍ତ୍ତି ଅବସରରରେ ନବରଙ୍ଗପୁର କଂଗ୍ରେସ ତରଫରୁ ଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ବିକ୍ଷୋଭ ପ୍ରଦର୍ଶନ । ଗତ ୨୦୦୬ ଜାନୁଆରୀ ୨ ତାରିଖ ଦିନ ଯାଜପୁର କଳିଙ୍ଗ ନଗରଠାରେ ଏକ ଶିଳ୍ପ ପ୍ରତିଷ୍ଠାକୁ ବିରୋଧ କରି ସ୍ଥାନୀୟ ଆଦିବାସୀଙ୍କ ତରଫରୁ ପ୍ରତିବାଦ କରାଯାଇଥିଲା । ତେବେ ଏହି ସମୟରେ ପୋଲିସ ତରଫରୁ ପ୍ରଦର୍ଶନକାରୀଙ୍କ ଉପରେ ଅତର୍କିତ ଆକ୍ରମଣ କରାଯାଇଥିଲା । ଯାହାଫଳରେ ୧୫ ଜଣ ନିରୀହ ଆଦିବାସୀ ପ୍ରାଣ ହରାଇଥିଲେ ।
କଳିଙ୍ଗନଗର ଗୁଳିକାଣ୍ଡ ଘଟଣାକୁ ୧୫ ବର୍ଷ ପୂର୍ତ୍ତିରେ କଂଗ୍ରେସର ବିକ୍ଷୋଭ
ପରବର୍ତ୍ତୀ ସମୟରେ ପୋଷ୍ଟମର୍ଟମ ରିପୋର୍ଟରୁ କିଛି ମୃତ ଲୋକଙ୍କ ହାତ ପାପୁଲିକୁ କଟାଯାଇଥିବା ଘଟଣା ସାରା ରାଜ୍ୟରେ ଚହଳ ସୃଷ୍ଟି କରିଥିଲା । ଉକ୍ତ ଘଟଣାକୁ ୧୫ ବର୍ଷ ପୁରି ଯାଇଥିଲେ ମଧ୍ୟ ଏହାକୁ ବିରୋଧ କରିେ ନବରଙ୍ଗପୁର ଜିଲ୍ଲା କଂଗ୍ରେସ ତରଫରୁ ନବରଙ୍ଗପୁର ଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ଧାରଣା ଦିଆଯାଇଥିଲା ।
ନବରଙ୍ଗପୁରରୁ ତପନ କୁମାର ବିଷୋୟୀ, ଇଟିଭି ଭାରତ
