ନବରଙ୍ଗପୁର: ମ୍ୟୁନସିପାଲଟିରେ ବ୍ୟାପକ ଅନିୟମିତତା ନେଇ ବିଜେପିର ସାମ୍ବାଦିକ ସମ୍ମିଳନୀ । ମ୍ୟୁନସିପ।ଲଟିରେ ଅନିୟମିତତା,ଗରିବ ଯୋଗ୍ୟ ଲୋକଙ୍କୁ ଘର ନଦେବା, କିଛି ନ୍ୟସ୍ତ ସ୍ବାର୍ଥ ବ୍ୟକ୍ତି ବିଭିନ୍ନ ସରକାରୀ ଯୋଜନାକୁ ହଡପ କରିଥିବା ବଜେପି ଅଭିଯୋଗ ଆଣିଛି ।
ସ୍ଥାନୀୟ ବିଜେପି ଜିଲ୍ଲା କାର୍ଯ୍ୟାଳୟରେ ଅନୁଷ୍ଠିତ ଏକ ସାମ୍ବାଦିକ ସମ୍ମିଳନୀରେ ଏପରି ଅଭିଯୋଗ ଆଣିଛନ୍ତି ପୂର୍ବତନ ସାଂସଦ ବଳଭଦ୍ର ମାଝୀ । ନବରଙ୍ଗପୁର ମୁନିସିପ।ଲିଟି ଷ୍ଟଲ ଆବଣ୍ଟନରେ ଅନିୟମିତତା , ଗରିବ ହିତାଧିକାରୀଙ୍କୁ ଘରବାରି ପଟ୍ଟା ପ୍ରଦାନରେ ଅନିୟମିତତା, ପ୍ରଧାନମନ୍ତ୍ରୀ ଆବାସ ଯୋଜନାରେ ଅନିୟମିତତା ଓ ଏହି ଯୋଜନା ଗୁଡିକରେ ବ୍ୟାପକ ଅର୍ଥ କାରବାର ହୋଇଛି । ଶହ ଶହ କୋଟି ଟଙ୍କାର ରାସ୍ତା ଓ କେନାଲ କାମ ନିମ୍ନ ମାନର ହେବା ଯୋଗୁଁ ବର୍ଷା ଦିନରେ ପାଣି ଘର ଭିତରକୁ ପଶୁଛି । ଏହିଭଳି ମ୍ୟୁନିସିପାଲଟି ଅନିୟମିତତାର ଏକ ଲମ୍ବା ଚିଠା ପ୍ରସ୍ତୁତ କରିଛି ବିଜେପି ।
ଅଞ୍ଚଳରେ ପୁଣିଥରେ ଉପଯୁକ୍ତ ହିତାଧିକାରୀ ମାନଙ୍କୁ ଚିହ୍ନଟ କରାଯାଉ ଏବଂ ଅଭିଯୋଗ ଗୁଡିକର ତଦନ୍ତ କରି କାର୍ଯ୍ୟାନୁଷ୍ଠାନ ଗ୍ରହଣ କରାଯାଉ ବୋଲି ଦାବି କରିଛି ଜିଲ୍ଲା ବିଜେପି ।
ନବରଙ୍ଗପୁରରୁ ତପନ ବିଷୋୟୀ,ଇଟିଭି ଭାରତ
