ନବରଙ୍ଗପୁର: ନନ୍ଦାହାଣ୍ଡି ବ୍ଲକ ମରାଳି ଗାଁ କାଜୁ ଜଙ୍ଗଲରୁ ଏକ ମୃତଭାଲୁକୁ ଉଦ୍ଧାର କରାଯାଇଛି । ଭାଲୁର ମୃତ୍ୟୁ କିପରି ହୋଇଛି ତାହା ଜଣାପଡି ନଥିବାବେଳେ ଏ ବିଷୟରେ ବନବିଭାଗକୁ ଖବର ଦିଆଯାଇଛି । ତେବେ ଦୀର୍ଘଦିନ ଧରି ମରାଳି ଗାଁରେ ଭାଲୁ ଆତଙ୍କ ଖେଳାଉଥିବାବେଳେ ଏହି ଭାଲୁକୁ କିଏ ମାରିଦେଇଥିବା ଅନୁମାନ କରାଯାଉଛି ।
ଏବେ ମୃତ ଭାଲୁଟିକୁ ଚରକ ବନକୁ ଆଣିବାକୁ ବ୍ୟବସ୍ଥା କରାଯାଇଛି । ଗ୍ରାମବାସୀ ଭାଲୁକୁ କାଜୁ ଜଙ୍ଗଲରେ ମରିପଡିଥିବା ଦେଖିବା ବନବିଭାଗକୁ ଖବର ଦେଇଥିଲେ । ନବରଙ୍ଗପୁର ଜିଲ୍ଲାରେ ଭାଲୁ ମୃତ୍ୟୁ ଦିନକୁ ଦିନ ବୃଦ୍ଧିପାଉଥିବା ବେଳେ ବନବିଭାଗ ଲାଗି ଚିନ୍ତାର କାରଣ ପାଲଟିଛି । ତେବେ ଭାଲୁ ମୃତ୍ୟୁର କାରଣ ଶବ ବ୍ୟବଚ୍ଛେଦ ପରେ ଜଣାପଡିବ ବୋଲି ନବରଙ୍ଗପୁର ବନ ବିଭାଗ ସୂଚନା ଦେଇଛନ୍ତି ।
ନବରଙ୍ଗପୁରରୁ ତପନ ବିଶୋୟୀ, ଇଟିଭି ଭାରତ