ନବରଙ୍ଗପୁର: ଯୁବକଙ୍କ ଗଳିତ ମୃତଦେହ ଉଦ୍ଧାର । ନବରଙ୍ଗପୁର ସହର ମଙ୍ଗଳମ ଟିମ୍ବର ପ୍ଲାଣ୍ଟ ନିକଟରେ ଥିବା ନୀଳଗିରି ବାଡରୁ ମୃତଦେହକୁ ଉଦ୍ଧାର କରିଛି ପୋଲିସ । ମୃତକ ବେହରାଗୁଡା ଗ୍ରାମର ରମେଶ ଭତରା ବୋଲି ଜଣାପଡିଛି । ଗତ ଶନିବାର ଠାରୁ ରମେଶ ନିଖୋଜ ଥିଲେ । ତେବେ ଏହା ଆତ୍ମହତ୍ୟା ନା ହତ୍ୟା ତାହା ଜଣାପଡିନଥିବା ବେଳେ ପୋଲିସ ମୃତଦେହ ଉଦ୍ଧାର କରି ବ୍ୟବଚ୍ଛେଦ ପାଇଁ ପଠାଇଛି । ଘଟଣାରେ ଅଧିକ ତଦନ୍ତ ଜାରି ରହିଛି ।
ଯୁବକଙ୍କ ଗଳିତ ମୃତଦେହ ଉଦ୍ଧାର, ମୃତ୍ୟୁର କାରଣ ଅସ୍ପଷ୍ଟ
ସୂଚନାଯୋଗ୍ୟ, କିଛି ଲୋକ ଯାଉଥିବା ସମୟରେ ନୀଳଗିରି ବାଡ ଭିତରେ ଯୁବକଙ୍କ ମୃତଦେହ ପଡିଥିବାର ଦେଖିବାକୁ ପାଇଥିଲେ । ଏହାପରେ ସେମାନେ ପୋଲିସକୁ ଖବର ଦେଇଥିଲେ ।
ନବରଙ୍ଗପୁରରୁ ତପନ କୁମାର ବିଷୋୟୀ, ଇଟିଭି ଭାରତ
