ନବରଙ୍ଗପୁର: ପରିତ୍ୟକ୍ତ କୂଅରୁ ଉଦ୍ଧାର ହେଲା ଭାଲୁ । ଝରିଗାଁ ବନବିଭାଗ ପରିତ୍ୟକ୍ତ କୂଅରୁ ଭାଲୁଟିକୁ ଉଦ୍ଧାର କରିଛି । ଖାଦ୍ୟ ଅନ୍ବେଷଣରେ ଜନବସତି ଆଡକୁ ଆସିଥିବା ଭାଲୁଟି ଗାଁ ନିକଟର ଏକ କୂଅରେ ଖସି ପଡିଥିଲା ।
ପରିତ୍ୟକ୍ତ କୂଅରୁ ଉଦ୍ଧାର ଭାଲୁ
ଏପରି ଘଟଣା ଦେଖବାକୁ ମିଳିଛି ନବରଙ୍ଗପୁର ଜିଲ୍ଲା ଝରିଗାଁ ବ୍ଲକ ଅନ୍ତର୍ଗତ କାଦମଳି ଗ୍ରାମରେ । ଗାଁ ଲୋକଙ୍କ ନିକଟରୁ ଖବର ପାଇ ଝରିଗାଁ ବନବିଭାଗ ଘଟଣାସ୍ଥଳରେ ପହଞ୍ଚିଥିଲା ଏବଂ ପାପଡାହାଣ୍ଡି ଓଡ୍ରାଫ ଟିମ ଦ୍ବାରା ଦୀର୍ଘ 2 ଘଣ୍ଟାର ଉଦ୍ଧାର କାର୍ଯ୍ୟ ପରେ ଭାଲୁକୁ ଉଦ୍ଧାର କରି ଝରିଗାଁ ବନବିଭାଗ କାର୍ଯ୍ୟାଳୟକୁ ଅଣାଯାଇଥିଲା । ସ୍ଵାସ୍ଥ୍ୟବସ୍ଥା ପରୀକ୍ଷା ପରେ ଭାଲୁକୁ ଜଙ୍ଗଲରେ ଛଡାଯିବ ବୋଲି ବନ ବିଭାଗ ପକ୍ଷରୁ ସୂଚନା ମିଳିଛି ।
ନବରଙ୍ଗପୁରରୁ ତପନ ବିଷୋୟୀ, ଇଟିଭି ଭାରତ
