ନବରଙ୍ଗପୁର: ଜିଲ୍ଲାରେ ଥମୁନି କୋରୋନା ସଂକ୍ରମଣ। ପୁଣି ଗୁରୁବାର 4 ଜଣ କୋରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି । ରାଜ୍ୟ ସୂଚନା ଓ ଲୋକ ସମ୍ପର୍କ ବିଭାଗ ପକ୍ଷରୁ ସୂଚନା ପାଇବା ପରେ ଏନେଇ ଜିଲ୍ଲାପାଳ ଏହି ସୂଚନା ଦେଇଛନ୍ତି ।
ଗୁରୁବାର ଚିହ୍ନଟ ହୋଇଥିବା ସମସ୍ତ ଆକ୍ରାନ୍ତ ନବରଙ୍ଗପୁର ସହର ଓ ଆଖପାଖର ହୋଇଥିବା ସୂଚନା ଦେଇଛନ୍ତି ଜିଲ୍ଲାପାଳ । ସମସ୍ତ ଆକ୍ରାନ୍ତଙ୍କୁ ନବରଙ୍ଗପୁର ସ୍ଥିତ କୋଭିଡ ମେଡିକାଲକୁ ସ୍ଥାନାନ୍ତରିତ କରାଯାଇଛି । ଏହି 4 ଆକ୍ରାନ୍ତଙ୍କୁ ମିଶାଇ ଜିଲ୍ଲାରେ ମୋଟ ଆକ୍ରାନ୍ତଙ୍କ ସଂଖ୍ୟା ବଢି 188ରେ ପହଁଚିଛି ।
ନବରଙ୍ଗପୁରରୁ ଆଉ 4 ନୂଆ ଆକ୍ରାନ୍ତ ଚିହ୍ନଟ
ସେଥିମଧ୍ୟରୁ 40 ଜଣ ଚିକିତ୍ସାଧୀନ ଥିବାବେଳେ, ଅନ୍ୟ ସମସ୍ତେ ସୁସ୍ଥ ହୋଇ ଘରକୁ ଫେରିଛନ୍ତି । ପରିସ୍ଥିତିକୁ ଆଖିଆଗରେ ରଖି ଯେକୌଣସି ମୁହୂର୍ତ୍ତରେ ସଟଡାଉନ କରାଯିବ ବୋଲି ସୂଚନା ଦେଇଛନ୍ତି ଜିଲ୍ଲାପାଳ ।
ନବରଙ୍ଗପୁରରୁ ତପନ ବିଷୋୟୀ, ଇଟିଭି ଭାରତ
