ନବରଙ୍ଗପୁର: ଜିଲ୍ଲା କୋଡିଙ୍ଗା ଥାନା ଅନ୍ତର୍ଗତ କୋଡିଙ୍ଗା-ଚଟ୍ଟାହାଣ୍ଡି ରାସ୍ତା ସାରଙ୍ଗିଆ ଜଙ୍ଗଲ ନିକଟରେ ଜଣେ ବ୍ୟବସାୟୀଙ୍କ ଠାରୁ ପ୍ରାୟ ସାଢେ ଦୁଇ ଲକ୍ଷ ଟଙ୍କା ଦୁର୍ବୃତ୍ତମାନେ ଝାମ୍ପି ନେଇଥିବା ସୂଚନା ମିଳିଛି । ମିଳିଥିବା ସୂଚନା ଅନୁଯାଇ ଚଟ୍ଟାହାଣ୍ଡି ପଞ୍ଚାୟତ ତାରାଗୁଡା ଗ୍ରାମର କ୍ରିପାଲ ମେହେତା(୩୮) ନବରଙ୍ଗପୁରର ଏଚ. ଡି. ଏଫ. ସି ବ୍ୟାଙ୍କରୁ ଟଙ୍କା ଉଠାଣ କରି ନିଜ ଗାଁକୁ ଫେରୁଥିଲେ ।
ନିଜ ମୋଟର ସାଇକେଲଟି ସାରଙ୍ଗିଆ ଜଙ୍ଗଲ ନିକଟରେ ବନ୍ଦ ହୋଇଯିବାରୁ ସେ ରାସ୍ତା କଡରେ ଥିବା ବେଳେ ଦୁର୍ବୃତ୍ତମାନେ ଆସି ଏକ ଗାମୁଛାରେ କ୍ରିପାଲଙ୍କ ହେଲମେଟ ପିନ୍ଧା ମୁହଁରେ ଘୋଡେଇ ଟଙ୍କା ବ୍ୟାଗଟି ଛଡେଇ ନେଇଯାଇଥିଲେ । ଗାମୁଛା କାଢିବା ଭିତରେ ଦୁର୍ବୃତ୍ତମାନଙ୍କର ଆଉ କୌଣସି ପତ୍ତା ମିଳିପାରିନଥିଲା । ପାପଡାହାଣ୍ଡି ଏସଡିପିଓ ଆଦିତ୍ୟ ସେନ ,କୋଡିଙ୍ଗା ଥାନା ଅଧିକାରୀ ସରିତା ମହାପାତ୍ର, ଏସଆଇ ଦେବଦତ୍ତ ମଲ୍ଲିକ ଘଟଣାସ୍ଥଳକୁ ଯାଇ ଅନୁସନ୍ଧାନ ଚଳାଇ ଥିବା ସୂଚନା ମିଳିଛି । ପ୍ରକାଶ ଥାଉକି ଗତ ଦୁଇଦିନ ତଳେ ନବରଙ୍ଗପୁର ଜିଲ୍ଲା ଝରିଗାଁ ଥାନା ଚଚା ଗ୍ରାମର ଜଣେ ବ୍ୟବସାୟୀଙ୍କୁ ମଧ୍ୟ ଖଣ୍ଡାରେ ଆକ୍ରମଣ କରି ୪ ଲକ୍ଷ ଟଙ୍କା ଲୁଟ କରିଥିଲେ ଦୁର୍ବୁତ୍ତ ।
ନବରଙ୍ଗପୁରରୁ ତପନ କୁମାର ବିଷୋୟୀ, ଇଟିଭି ଭାରତ
