ନବରଙ୍ଗପୁର: ଜିଲ୍ଲାରେ ପୁଣି ଲଜ୍ଜ୍ୟା । ନବରଙ୍ଗପୁରର ପାପଡାହାଣ୍ଡି ଥାନା ଅନ୍ତର୍ଗତ ଜଣେ 12ବର୍ଷର ନାବାଳିକାକୁ ଦୁଷ୍କର୍ମ ସହ 7 ମାସର ଗର୍ଭବତୀ କରିଥିବା ନେଇ ଥାନାରେ ଏତଲା ଦେଇଛନ୍ତି ପୀଡିତାଙ୍କ ମା' ।
ଉକ୍ତ ନାବାଳିକା ସପ୍ତମ ଶ୍ରେଣୀରେ ପାଠ ପଢିବା ପାଇଁ ଟିକରାପାଲା ବିଦ୍ୟାଳୟକୁ ନୀତି ଯାଉଥିବା ସମୟରେ ବିବାହର ମିଥ୍ୟା ପ୍ରଲୋଭନ ଦେଖାଇ ଘୁଷୁରାବେଢା ଗ୍ରାମର ରାଜୀବ ମାଝୀ ଉକ୍ତ ନାବାଳିକାଙ୍କ ସହ ଦୀର୍ଘଦିନ ଧରି ଶାରୀରିକ ସମ୍ପର୍କ ରଖି ଆସୁଥିଲା । ଗତ 15 ଦିନ ତଳେ ଝିଅ ଗର୍ଭବତୀ ଥିବା ଜାଣିବା ପରେ ପରିବାର ଲୋକେ ସ୍କୁଲକୁ ପଠାଇବା ବନ୍ଦ କରି ଦେଇଥିଲେ । ଏହାସହ ନାବାଳିକାକୁ ନ୍ୟାୟ ପ୍ରଦାନ ଲାଗି ପାପଡାହାଣ୍ଡି ଥାନାରେ ଏତଲା ଦେଇଥିଲେ ।
ତେବେ ଉକ୍ତ ଏତଲାକୁ ଭିତ୍ତି କରି ପାପଡାହାଣ୍ଡି ପୋଲିସ ଅଭିଯୁକ୍ତ ରାଜିବ ନାଁରେ ଏକ ମାମଲା ରୁଜୁ କରି ତାକୁ ଗିରଫ କରିଛି । ଏହାସହ ଅଭିଯୁକ୍ତକୁ ବୁଧବାର କୋର୍ଟ ଚାଲାଣ କରାଯିବା ନେଇ ସୂଚନା ଦେଇଛି ପାପଡାହାଣ୍ଡି ପୋଲିସ ।
ନବରଙ୍ଗପୁରରୁ ତପନ ବିଶୋଇ, ଇଟିଭି ଭାରତ
