ବାରିପଦା: ତକତପୁରସ୍ଥିତ ଜିଲ୍ଲା କୃଷି କାର୍ଯ୍ୟାଳୟ ଠାରେ ବିଶ୍ୱ ମୃତ୍ତିକା ଦିବସ ପାଳିତ ହୋଇଯାଇଛି । ପ୍ରତି ବର୍ଷ ଡିସେମ୍ବର ପାଞ୍ଚ ତାରିଖରେ ପାଳନ ହେଉଥିବା ଏହି ଦିବସ ଚଳିତ ବର୍ଷ କୋରୋନା ମହାମାରୀ ପାଇଁ କୋଭିଡ ନିୟମ ଅନୁଯାୟୀ ମୟୂରଭଞ୍ଜ ଜିଲ୍ଲା ମୁଖ୍ୟ କୃଷି ଅଧିକାରୀ କାର୍ଯ୍ୟାଳୟ ଠାରେ ପାଳନ କରାଯାଇଛି ।
ଜିଲ୍ଲା ମୁଖ୍ୟ କୃଷି ଅଧିକାରୀ ଦାମୋଦର ସେଠୀ ସଭାପତିତ୍ୱ କରି କାର୍ଯ୍ୟକ୍ରମକୁ ପରିଚାଳନା କରିଛନ୍ତି । ଚଳିତ ବର୍ଷର ବିଷୟ ବସ୍ତୁ "ଆସନ୍ତୁ ମାଟି ମାକୁ ଜୀବନ୍ତ ରଖିବା ଓ ଏହାର ଜୈବ ବିଭିଧତାକୁ ସୁରକ୍ଷା ଦେବା" ଉପରେ ପୁଙ୍ଖାନୁପୁଙ୍ଖ ଆଲୋଚନା କରାଯାଇଥିଲା ।
କୃଷି କାର୍ଯ୍ୟାଳୟରେ ବିଶ୍ୱ ମୃତ୍ତିକା ଦିବସ ପାଳିତ
ଏହି କାର୍ଯ୍ୟକ୍ରମରେ ଜିଲ୍ଲାର ମୃତ୍ତିକା ବୈଜ୍ଞାନିକଙ୍କ ସହ ଜିଲ୍ଲାର ଅନେକ ଚାଷୀ ଓ କୃଷି ବ୍ୟବସାୟୀ ଉପସ୍ଥିତ ଥିଲେ । ଏହି କାର୍ଯ୍ୟକ୍ରମରେ ଜୈବିକ ପ୍ରଣାଳୀରେ କିପରି ଭାବେ ଚାଷ କରି ଚାଷୀ ଲାଭବାନ ହେବା ସହ ମୃତ୍ତିକାର ସୁରକ୍ଷା ହୋଇପାରିବ ଚାଷୀଙ୍କୁ ତାଲିମ ଦିଆଯାଇଛି ।
ମୟୂରଭଞ୍ଜରୁ ମୃତ୍ୟୁଞ୍ଜୟ ସେନାପତି, ଇଟିଭି ଭାରତ
