ବାରିପଦା: ଜିଲ୍ଲାରେ ସୋମବାର ପୁଣି 28 ଜଣ କୋରୋନା ଆକ୍ରାନ୍ତ ଚିହ୍ନଟ ହୋଇଥିବା ବେଳେ ମୋଟ କୋରୋନା ଆକ୍ରାନ୍ତଙ୍କ ସଂଖ୍ୟା 581ରେ ପହଞ୍ଚିଛି । ସେଥି ମଧ୍ୟରୁ 428 ଜଣ ସୁସ୍ଥ ହୋଇସାରିଥିବା ବେଳେ 153 ଆକ୍ରାନ୍ତ ଏବେ ବି ସକ୍ରିୟ ରହିଛନ୍ତି । ଏନେଇ ଜିଲ୍ଲା ପ୍ରଶାସନ ପକ୍ଷରୁ ଟ୍ବିଟ କରି ସୂଚନା ଦିଆଯାଇଛି ।
ତେବେ ସଦ୍ୟ ଚିହ୍ନଟ 28 ଜଣ କୋରୋନା ଆକ୍ରାନ୍ତଙ୍କ ମଧ୍ୟରୁ 2 ଜଣ କ୍ବାରେଣ୍ଟାଇନ ସେଣ୍ଟର, 3 ଜଣ ହୋମ କ୍ବାରେଣ୍ଟାଇନ, 17 ଜଣ ସ୍ଥାନୀୟ ଅଞ୍ଚଳ ଏବଂ 6 ଜଣ କୋଭିଡ ଯୋଦ୍ଧା ପଜିଟିଭ ଚିହ୍ନଟ ହୋଇଛନ୍ତି । ଏହି ସମସ୍ତ ଆକ୍ରାନ୍ତଙ୍କ ମଧ୍ୟରେ କପ୍ତିପଦା, କୁଳିଅଣା, କୁସୁମୀ, ଶୁକିଆପଦା, ମରୋଡା, ଖୁଣ୍ଟା ବ୍ଲକରୁ ଜଣେ ଲେଖାଏଁ ଚିହ୍ନଟ ହୋଇଛନ୍ତି । ସେହିପରି ବେତନଟୀ ଓ ଜଶିପୁରରୁ 2 ଜଣ ଲେଖାଏଁ, ରରୁଆଁ, ଉଦଳାରୁ 3 ଜଣ ଲେଖାଏଁ ଏବଂ ଶ୍ୟାମଖୁଣ୍ଟା, ଶୁକୃଳି ଓ ବାରିପଦା ସହରରୁ 4 ଜଣ ଲେଖାଏଁ ସଂକ୍ରମିତ ଚିହ୍ନଟ ହୋଇଛନ୍ତି ।
ସେପଟେ କ୍ବାରେଣ୍ଟାଇନ ସେଣ୍ଟର ଏବଂ ହୋମ କ୍ବାରେଣ୍ଟାଇନରୁ ଚିହ୍ନଟ 5 ଜଣଙ୍କ ମଧ୍ୟରୁ କର୍ଣ୍ଣାଟକରୁ ଜଣେ, ହରିୟାଣାରୁ ଜଣେ ଏବଂ ତାମିଲନାଡୁରୁ 3 ଜଣ ଫେରିଥିବା ଜଣାପଡିଛି । ତେବେ ଚିକିତ୍ସା ପାଇଁ ସମସ୍ତ 28 ଜଣଙ୍କୁ ବାଙ୍କିସୋଲସ୍ଥିତ କୋଭିଡ଼ ହସ୍ପିଟାଲକୁ ସ୍ଥାନାନ୍ତରିତ କରାଯାଇଛି । ଚିହ୍ନଟ ହୋଇଥିବା ସମସ୍ତ ଆକ୍ରାନ୍ତଙ୍କ ସଂସ୍ପର୍ଶରେ ଆସିଥିବା ବ୍ୟକ୍ତିମାନଙ୍କର କଣ୍ଟାକ୍ଟ ଟ୍ରେସିଂ ଜାରି ରଖିଛି ଜିଲ୍ଲା ପ୍ରଶାସନ ।
ମୟୂରଭଞ୍ଜରୁ ମୃତ୍ୟୁଞ୍ଜୟ ସେନାପତି, ଇଟିଭି ଭାରତ
