ବାରିପଦା: ରାଜ୍ୟର ସୁନାମଧନ୍ୟ ସାହିତ୍ୟିକ ପଦ୍ମଭୂଷଣ ମନୋଜ ଦାସ । ମନୋଜ ଦାସ ଆଜି ଆମ ଗହଣରେ ନାହାଁନ୍ତି ସତ କିନ୍ତୁ ଏହି ମହାନ ସାହିତ୍ୟିକଙ୍କୁ ରାଜ୍ୟବାସୀ ଚିର ଦିନ ପର୍ଯ୍ୟନ୍ତ ମନେ ରଖିବେ । ସାହିତ୍ୟିକ ପଦ୍ମଭୂଷଣ ମନୋଜ ଦାସଙ୍କ ଅକାଳ ବିୟୋଗ ରାଜ୍ୟବାସୀଙ୍କ ପାଇଁ ଏକ ଅପୁରଣୀୟ କ୍ଷତି । ମନୋଜ ଦାସଙ୍କୁ ନିଆରା ଢଙ୍ଗରେ ଶ୍ରଦ୍ଧାଞ୍ଜଳି ଦେଇଛନ୍ତି ଚିତ୍ରକର ସମରେନ୍ଦ୍ର ।
ସାହିତ୍ୟିକ ପଦ୍ମଭୂଷଣ ମନୋଜ ଦାସଙ୍କୁ କଲମ କ୍ୟାପରେ ଚିତ୍ର ଆଙ୍କି ଶ୍ରଦ୍ଧାଞ୍ଜଳି
ମୟୂରଭଞ୍ଜ ଜିଲ୍ଲା ବେତନଟୀ ବ୍ଲକ ଆଗଡା ଗ୍ରାମର ଚିତ୍ରକର ପୂର୍ବରୁ ମହାପୁରୁଷ ତଥା ଓଡ଼ିଶାର ବରପୁତ୍ର ମାନଙ୍କର ନିଆରା ଚିତ୍ର ଆଙ୍କି ବିଭିନ୍ନ ସମୟରେ ଚାର୍ଚ୍ଚରେ ରହିଥାନ୍ତି । ଏଥର ପଦ୍ମଭୂଷଣ ମନୋଜ ଦାସଙ୍କ ଚିତ୍ର ଏକ କଲମ ଦେହରେ ଆଙ୍କି ନିଆରା ଢଙ୍ଗରେ ଶ୍ରଦ୍ଧାଞ୍ଜଳି ଦେଇଛନ୍ତି । ଏକ୍ରିଲିକ୍ କଲର ଆଉ ତୁଳି ସାହାଯ୍ୟରେ ଖୁବ କମ ସମୟ ମଧ୍ୟରେ ସମରେନ୍ଦ୍ର ଏହି ଚିତ୍ର ଆଙ୍କିଛନ୍ତି । ୫ ଇଞ୍ଚର ପେନରେ ସାହିତ୍ୟିକ ପଦ୍ମଭୂଷଣ ମନୋଜ ଦାସଙ୍କ ପୁରା ଚିତ୍ର ଆଙ୍କିଛନ୍ତି ।
ମୟୂରଭଞ୍ଜରୁ ମୃତ୍ୟୁଞ୍ଜୟ ସେନାପତି, ଇଟିଭି ଭାରତ
