ମୟୂରଭଞ୍ଜ: ବାହାଘର ସାରି ଫେରୁଥିବା ସମୟରେ ଭାରସାମ୍ୟ ହରାଇ ଓଲଟିଛି ପିକଅପ୍ ଭ୍ୟାନ । ଭ୍ୟାନରେ 20 ଜଣ ବରଯାତ୍ରୀ ଥିବା ବେଳେ ସେମାନଙ୍କ ମଧ୍ୟରୁ 5 ଜଣ ଗୁରୁତର ଆହତ ହୋଇଛନ୍ତି । ତେବେ ଗୁରୁତରମାନଙ୍କୁ ତୁରନ୍ତ ନିକଟସ୍ଥ କିଷାନତାଣ୍ଡି ଡାକ୍ତରଖାନାରେ ଭର୍ତ୍ତି କରାଯାଇ ଚିକିତ୍ସା କରାଯାଉଛି ।
ଭିଡିଓ ସୌଜନ୍ୟ: ସମ୍ବାଦଦାତା, ମୟୂରଭଞ୍ଜ
ସୂଚନା ଅନୁଯାୟୀ ବାଲେଶ୍ବର ଅମରଦାରୋଡରୁ ଏକ ଟାଟା ପିକଅପ୍ ଭ୍ୟାନ ଯୋଗେ ମୟୂରଭଞ୍ଜ ଶ୍ୟାମାଖୁଣ୍ଟକୁ ବରଯାତ୍ରୀ ଯାଉଥିଲେ । ହେଲେ ବାହାଘର ସାରି ଫେରୁଥିବା ସମୟରେ ଭ୍ୟାନଟି ବାରିପଦା- ଅମରଦାରୋଡର ଭାଲିଆଡିହା ଛକ ନିକଟରେ ଭାରସାମ୍ୟ ହରାଉଇ ରାସ୍ତାକଡକୁ ଓଲଟି ପଡିଥିଲା ।
ମୟୂରଭଞ୍ଜରୁ ମୃତ୍ୟୁଞ୍ଜୟ ସେନାପତି, ଇଟିଭି ଭାରତ
