ବାରିପଦା: ବାଙ୍ଗିରିପୋଷି ଥାନା ଦ୍ବାରଶୁଣୀ ଘାଟି ନିକଟରେ ବାଇକକୁ ପିଟିଲା ପିଆଜ ବୋଝେଇ । ଦୁର୍ଘଟଣାରେ ବାଇକ ଚାଳକଙ୍କ ମୃତ ଓ 3 ଗୁରୁତର ଆହତ ହୋଇଛନ୍ତି । ବାଇକକୁ ଧକ୍କା ଦେବା ପରେ 100 ଫୁଟ ତଳ ଖାଇକୁ ଖସି ପଡିଛି ଟ୍ରକ ।
ବାଇକକୁ ଧକ୍କା ଦେଇ 100ଫୁଟ ତଳ ଖାଇକୁ ଖସିଲା ଟ୍ରକ
ନାସିକରୁ ପିଆଜ ନେଇ ପଶ୍ଚିମବଙ୍ଗକୁ ଯାଉଥିବା ଏକ ଟ୍ରକଟି ଘାଟି ନିକଟରେ ବାଇକକୁ ଧକ୍କା ଦେଇଥିଲା । ଟ୍ରକଟି ଭାରସାମ୍ୟ ହରାଇ ଘାଟି ତଳକୁ ଖସିପଡିଛି। ଖବର ପାଇ ବାଙ୍ଗିରିପୋଷି ଅଗ୍ନିଶମ ବିଭାଗର କର୍ମଚାରୀ ଓ ପୋଲିସ ପହଞ୍ଚି ତିନିଜଣଙ୍କୁ ଉଦ୍ଧାର କରିବା ପରେ ଚିକିତ୍ସା ପାଇଁ ପ୍ରଥମେ ବାଙ୍ଗିରିପୋଷି ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ର ଓ ପରେ ବାରିପଦା ପଣ୍ଡିତ ରଘୁନାଥ ମୁର୍ମୁ ମେଡିକାଲକୁ ପଠାଇ ଦେଇଛନ୍ତି।
ବିଶୋଇରୁ ଏକ ବାଇକରେ ପୁତୁରା ବିଷିକେଶନ ମହାକୁଡ ଓ ନିଜ ଖୁଡି ସଂଧ୍ୟାରାଣୀ ଗିରି ବାରିପଦା ଯାଉଥିବା ବେଳେ ଦୁର୍ଘଟଣା ଘଟିଛି। ଘଟଣା ସ୍ଥଳରେ ବାଙ୍ଗିରିପୋଷି ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି।
ମୟୂରଭଞ୍ଜରୁ ମୃତ୍ୟୁଞ୍ଜୟ ସେନାପତି, ଇଟିଭି ଭାରତ
