ରାଇରଙ୍ଗପୁର: ଯାମଦା ଥାନା ଅନ୍ତର୍ଗତ ଗୁଳୁତା ଗ୍ରାମରେ ବଜ୍ରପାତ । ବଜ୍ରାଘାତରେ ଜଣେ ଯୁବକ ମୃତ । ଯୁବକ ଜଣଙ୍କ ସେହି ଗ୍ରାମର କରୁଣାକର ମୁର୍ମୁ । ଘରେ ଖଟରେ ବସିଥିବା ସମୟରେ ବଜ୍ରାଘାତ ହୋଇଥିବା ସୂଚନା ।
ଭିଡିଓ ସୌଜନ୍ୟ: ପ୍ରତିନିଧି, ରାଇରଙ୍ଗପୁର
ସୂଚନା ଅନୁଯାୟୀ, ବୁଧବାର ସନ୍ଧ୍ୟା ସମୟରେ କରୁଣାକର ନିଜ ଘରେ ସ୍ତ୍ରୀ ଓ ଝିଅ ସହିତ ଖଟରେ ବସିଥିଲେ । ତେବେ ସେହି ସମୟରେ ଘଡଘଡି ବିଜୁଳି ମାରିବା ସହିତ ପ୍ରବଳ ବର୍ଷା ହୋଇଥିଲା । ହଠାତ ବଜ୍ରପାତ ହେବାରୁ କରୁଣାକର ସେହିଠାରେ ହିଁ ଅଚେତ ହୋଇଯାଇଥିଲେ । ତେବେ ତାଙ୍କୁ ଗାଡି ଯୋଗେ ପରିବାର ଲୋକେ ରାଇରଙ୍ଗପୁର ଡାକ୍ତରଖାନା ଆଣିଥିଲେ । କିନ୍ତୁ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ ।
ମୃତ କରୁଣାକରଙ୍କ ସ୍ତ୍ରୀ ଓ ଦୁଇଟି ନାବାଳିକା ଝିଅ ଥିବା ଜଣାପଡିଛି । ତେବେ ଏ ନେଇ ଯାମଦା ପୋଲିସ ଏକ ଅପମୃତ୍ଯୁ ମାମଲା ରୁଜୁ କରି ତଦନ୍ତ ଆରମ୍ଭ କରିଛି ।
ରାଇରଙ୍ଗପୁରରୁ ସଞ୍ଜୟ ପରିଡା, ଇଟିଭି ଭାରତ
