ବାରିପଦା: ସ୍ଥାନୀୟ ବଡସାହି ବଜାରର ଷ୍ଟେଟବ୍ୟାଙ୍କ ନିକଟରେ ଥିବା ଏକ ମୋବାଇଲ ଦୋକାନର ଘଟିଛି ଅଭାବନୀୟ ଘଟଣା । ଦୋକାନରେ ସିସିଟିଭି କ୍ୟାମେରା ସଜାଡିବାକୁ ଯାଇ ବିଦ୍ୟୁତ ତାର ସଂସ୍ପର୍ଶରେ ଆସିଥିଲେ ମାଲିକ । ଏହା ଦେଖି ଆଖପାଖର ଦୋକାନୀମାନେ ଆହତଙ୍କୁ ଉଦ୍ଧାର କରି ବଡସାହି ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଭର୍ତ୍ତି କରିଥିଲେ । ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ ।
ସିସିଟିଭି ସଜାଡୁ ସଜାଡୁ ବିଦ୍ୟୁତ ତାର ସଂସ୍ପର୍ଶରେ ଆସି ମାଲିକ ମୃତ
ସୂଚନା ଅନୁଯାୟୀ ମୃତକ ଜଣଙ୍କ ହେଉଛନ୍ତି ଖୁଣ୍ଟା ଥାନା ଅନ୍ତର୍ଗତ ଦେଶବନ୍ଧ ଗ୍ରାମର ଦିବ୍ୟଜ୍ୟୋତି ଜେନା । ସେ ସୋମବାର ନିଜ ମୋବାଇଲ ଦୋକାନରେ ସିସିଟିଭି କ୍ୟାମେରା ସଜାଡୁଥିବା ବେଳେ ସେ ବିଦ୍ୟୁତ ସଂସ୍ପର୍ଶରେ ଆସିଥିଲେ । ଦିବ୍ୟଜ୍ୟୋତିଙ୍କର ଏପରି ଅକାଳ ବିୟୋଗରେ ପରିବାରରେ ଶୋକର ଲହରୀ ଖେଳି ଯାଇଛି ।
ମୟୂରଭଞ୍ଜରୁ ମୃତ୍ୟୁଞ୍ଜୟ ସେନାପତି, ଇଟିଭି ଭାରତ
