ବାରିପଦା: ସାନ୍ତାଳୀ, ମୁଣ୍ଡାରୀ, ହୋ ଭାଷାକୁ ଓଡ଼ିଶାର ଦ୍ବିତୀୟ ରାଜ୍ୟ ଭାଷା ମାନ୍ୟତା ସହିତ ସାନ୍ତାଳୀକୁ ଭାଷାଗତ ସଂଖ୍ୟାଲଘୁ ମାନ୍ୟତା ଦାବି କରି ଆଜି (ସୋମବାର) 12ଘଣ୍ଟିଆ ବନ୍ଦ ଡାକିଛି ମୟୂରଭଞ୍ଜ ଆଦିବାସୀ ଛାତ୍ର ସଂଗଠନ(Mayurbhanj Adivasi Students Association) । ଜିଲ୍ଲା ବାରିପଦା ସହରରେ ବନ୍ଦର ପ୍ରଭାବ ଦେଖିବାକୁ ମିଳିନାହିଁ । ହେଲେ ରାଇରଙ୍ଗପୁରରେ ବନ୍ଦର ପ୍ରଭାବ ଦେଖିବାକୁ ମିଳିଛି ।
ବାରିପଦା ସହରରେ ବନ୍ଦର ପ୍ରଭାବ ଦେଖିବାକୁ ମିଳିନାହିଁ । ସଂଗଠନ ପକ୍ଷରୁ ୧୮ ନମ୍ବର ଜାତୀୟ ରାଜପଥ ଅବରୋଧ କରିବା ସମୟରେ ପୋଲିସ ଆନ୍ଦୋଳନକାରୀଙ୍କୁ ଉଠାଇ ନେଇଛନ୍ତି । ଅନ୍ୟପକ୍ଷରେ ବାରିପଦା ସହରରୁ ବସ ଚଳାଚଳ ବନ୍ଦ ରହିଥିବା ବେଳେ ଟ୍ରକ ଓ ଅନ୍ୟାନ୍ୟ ଚାରିଚକିଆ ଯାନବାହାନ ଚଳାଚଳ ହେଉଥିବା ଦେଖିବାକୁ ମିଳିଛି । ବାରିପଦା, ଉଦଳା ଓ ଅନ୍ୟାନ୍ୟ ସ୍ଥାନ ମାନଙ୍କରେ ଦୋକାନ ବଜାର, ସରକାରୀ ଓ ବେସରକାରୀ କାର୍ଯ୍ୟାଳୟ ଖୋଲା ରହିଛି । ବନ୍ଦର ପ୍ରଭାବ ବାରିପଦା ଉପକଣ୍ଠରେ ଦେଖିବାକୁ ମିଳିନାହିଁ । ୧୨ ଘଣ୍ଟିଆ ବନ୍ଦ ସାନ୍ତାଳୀ, ମୁଣ୍ଡାରୀ, ହୋ ଭାଷାକୁ ଓଡ଼ିଶାର ଦ୍ବିତୀୟ ରାଜ୍ୟ ଭାଷା ମାନ୍ୟତା ଦାବିରେ ମାସା(MASA) ପକ୍ଷରୁ ବନ୍ଦ ପାଳନ ସମୟରେ ଆନ୍ଦୋଳନକାରୀଙ୍କୁ ଉଠାଇ ନେଇଛି ପୋଲିସ ।
ଆଦିବାସୀ ଛାତ୍ର ସଂଗଠନ (MASA) ପକ୍ଷରୁ ୩ ଦଫା ଦାବି ନେଇ ସକାଳ ୬ରୁ ସନ୍ଧ୍ୟା ୬ ପର୍ଯ୍ୟନ୍ତ ୧୨ ଘଣ୍ଟିଆ ମୟୂରଭଞ୍ଜ ବନ୍ଦ ଡାକରା ଦିଆଯିବା ଅବସରରେ ଶାନ୍ତିପୂର୍ଣ୍ଣ ରାଇରଙ୍ଗପୁର ବନ୍ଦ ପାଳନ କରାଯାଉଛି । ରାଇରଙ୍ଗପୁର ଉପଖଣ୍ଡରେ ବନ୍ଦର ପ୍ରଭାବ ଦେଖିବାକୁ ମିଳିଛି । ଦୋକାନ ବଜାର ବନ୍ଦ ରହିଛି । ଆଗକୁ ଦାବି ପୂରଣ ନହେଲେ ଆନ୍ଦୋଳନକୁ ଜୋରଦାର କରାଯିବା ନେଇ ଚେତାବନୀ ଦେଇଛି ମାସା । ତେବେ ବନ୍ଦ ପ୍ରଭାବରେ ରାଇରଙ୍ଗପୁର ସହରରେ ଦୋକାନ ବଜାର, ପେଟ୍ରୋଲ ପମ୍ପ, ଗାଡି ମଟର ଚଳାଚଳ ବନ୍ଦ ରହିଛି ।
ମୟୂରଭଞ୍ଜରୁ ମୃତ୍ୟୁଞ୍ଜୟ ସେନାପତି ଓ ରାଇଙ୍ଗପୁରରୁ ସଞ୍ଜୟ କୁମାର ପରିଡା, ଇଟିଭି ଭାରତ
