ରାଇରଙ୍ଗପୁର: ଦୁଷ୍କର୍ମ ଅଭିଯୋଗରେ ଜନୈକ ବିବାହିତ ଯୁବକ ଗିରଫ । ଅଭିଯୁକ୍ତ ଯୁବକକୁ ଗୋରୁମହିଷାଣୀ ଥାନା ପୋଲିସ ଗିରଫ କରି କୋର୍ଟ ଚାଲାଣ କରିଥିବା ସୂଚନା ମିଳିଛି। ତେବେ ଏପରି ଅଭାବନୀୟ ଘଟଣାଟି ଘଟିଥିଲା ମୟୂରଭଞ୍ଜ ଜିଲ୍ଲା ବହଳଦା ଥାନା ଅନ୍ତର୍ଗତ ଟାଙ୍ଗରଯୋଡ଼ା ଗାଁରେ ।
ସୂଚନା ଅନୁଯାୟୀ, ବହଳଦା ଥାନା ଟାଙ୍ଗରଯୋଡ଼ା ଅଞ୍ଚଳର ଗୋଲାରାମ ବାନରା ନାମକ ଜନୈକ ଯୁବକ ଗୋରୁମହିଷାଣୀ ଥାନା ଡଙ୍ଗାପାଣି ଅଞ୍ଚଳର ଜନୈକ ଯୁବତୀକୁ ବିବାହ କରିବାକୁ ଚାହୁଁଥିଲେ । କିନ୍ତୁ ଯୁବକଙ୍କ ବିବାହ ପୂର୍ବରୁ ହୋଇଥିବା ଜାଣି ଯୁବତୀ ଜଣଙ୍କ ବିବାହ କରିବାକୁ ମନା କରିଦେଇଥିଲେ ।
ତେବେ କଥାବାର୍ତ୍ତା ହେବା ବାହାନାରେ ଘରପାଖ ଜଙ୍ଗଲକୁ ଯୁବକ ଜଣକ ଯୁବତୀଙ୍କୁ ନେଇଯାଇଥିଲେ । ସେଠାରେ ଯୁବତୀଙ୍କୁ ଦୁଷ୍କର୍ମ କରିଥିଲା ଅଭିଯୁକ୍ତ ଯୁବକ। ଏନେଇ ଯୁବତୀଙ୍କ ପରିବାର ଲୋକେ ଗୋରୁମହିଷାଣି ଥାନାରେ ଲିଖିତ ଅଭିଯୋଗ କରିବାରୁ ପୋଲିସ ଏକ ଦୁଷ୍କର୍ମ ମାମଲା ରୁଜୁ କରି ଅଭିଯୁକ୍ତକୁ ଗିରଫ କରିବା ସହିତ କୋର୍ଟ ଚାଲାଣ କରିଥିବା ଜଣାପଡ଼ିଛି।
ରାଇରଙ୍ଗପୁରରୁ ସଞ୍ଜୟ କୁମାର ପରିଡା, ଇଟିଭି ଭାରତ
