ରାଇରଙ୍ଗପୁର: ମୟୁରଭଞ୍ଜ ଜିଲ୍ଲା କରଞ୍ଜିଆ ବ୍ଳକ ଘୋସଦା ମା ଅମ୍ବିକା ଏଲଏମ ବାଳିକା ବିଦ୍ୟାଳୟର ୨୭ ଜଣ ହଷ୍ଟେଲ ଛାତ୍ରୀ ମଧ୍ୟାହ୍ନ ଭୋଜନ ଖାଇ ଅସୁସ୍ଥ ହୋଇପଡିଛନ୍ତି । ଆଜି ମଧ୍ୟାହ୍ନ ଭୋଜନରେ ହଷ୍ଟେଲର ୫୦ ରୁ ଅଧିକ ଛାତ୍ରୀ ମଧ୍ୟାହ୍ନ ଭୋଜନରେ ଭାତ ଓ ଶାଗ ଖାଇଥିଲେ। ସେଥିରୁ ୨୭ ଜଣ ଛାତ୍ରୀ ଅସୁସ୍ଥ ହୋଇ ପଡିଥିଲେ ହଷ୍ଟେଲରେ ।
ଭିଡିଓ ସୌଜନ୍ୟ: ପ୍ରତିନିଧି, ରାଇଙ୍ଗପୁର
ହଷ୍ଟେଲରୁ ତୁରନ୍ତ ଅସୁସ୍ଥ ଛାତ୍ରୀଙ୍କୁ କରଞ୍ଜିଆ ଉପଖଣ୍ଡ ଚିକିତ୍ସାଳୟରେ ଚିକିତ୍ସା ପାଇଁ ଭର୍ତ୍ତି କରାଯାଇଥିଲା । ତେବେ ୩ ଜଣ ଛାତ୍ରୀ ଗୁରୁତର ଅସୁସ୍ଥ ଥିବା ଜଣାପଡିଛି । ଏପରି ଅଭାବନୀୟ ଘଟଣା ସମ୍ପର୍କରେ ସ୍କୁଲ ଅଧିକ୍ଷକ କିମ୍ବା ଅନ୍ୟ ଶିକ୍ଷକ ମାନେ ମୁହଁ ଖୋଲୁ ନଥିବା ବେଳେ ସ୍କୁଲ ପରିଚାଳନାରେ ବ୍ୟାପକ ତୃଟିଥିବା ଅଭିଯୋଗ ହୋଇଛି । ଘଟଣା ସମ୍ପର୍କରେ ସୂଚନା ଦେବା ପରିବର୍ତ୍ତେ ଘଟଣାକୁ ଲୁଚାଇବା ପାଇଁ ଉଦ୍ୟମ କରାଯାଉଛି ।
ରାଇରଙ୍ଗପୁରରୁ ସଞ୍ଜୟ ପରିଡା, ଇଟିଭି ଭାରତ
