ରାଇରଙ୍ଗପୁର: ମୟୂରଭଞ୍ଜ ଜିଲ୍ଲା ରାଇରଙ୍ଗପୁର ଉପଖଣ୍ଡର ବିଭିନ୍ନ ଦୁର୍ଗମ ଅଞ୍ଚଳରେ ଅବକାରୀ ବିଭାଗର ଚଢାଉ । ଚଢାଉ ବେଳେ ବ୍ୟାପକ ପରିମାଣର ରନ୍ଧାମଦ ସାରଞ୍ଜମ ଓ ଦେଶୀମଦ ଜବତ କରିଛି ଅବକାରୀ ବିଭାଗ । ଏଥିସହ ବିପୁଳ ପରିମାଣର ମହୁଲ ପୋଚ ନଷ୍ଟ କରାଯାଇଛି ।
ବିପୁଳ ପରିମାଣର ମଦ ଓ ମହୁଲ ପୋଚ ଜବତ
ସୂଚନା ଅନୁଯାୟୀ ରାଇରଙ୍ଗପୁର ଗ୍ରାମାଞ୍ଚଳ ଥାନା ଅଧିନସ୍ଥ ଲୁସାଡିହି ଓ ପିଠାକୁଟୁଣି ଗ୍ରାମ ନିକଟସ୍ଥ ଦୁର୍ଗମ ଅଞ୍ଚଳରେ ରାଇରଙ୍ଗପୁର ଅବକାରୀ ବିଭାଗ ଅଚାନକ ଚଢାଉ କରିଛି । ଚଢାଉ ବେଳେ ବ୍ୟାପକ ପରିମାଣର ରନ୍ଧାମଦ ସରଞ୍ଜାମ ଜବତ କରିଛି ଅବକାରୀ ବିଭାଗ । ଏଥିସହ ଅବକାରୀ ବିଭାଗ 120 ଲିଟର ଦେଶୀମଦ ଏବଂ 160 କିଲୋଗ୍ରାମ ମହୁଲ ପୋଚ ନଷ୍ଟ କରିଛି । ବିଶେଷ ସୂତ୍ରରୁ ଖବର ପାଇ ରାଇରଙ୍ଗପୁର ଅବକାରୀ ବିଭାଗର ଭାରପ୍ରାପ୍ତ ଅଧିକାରୀ ହରିହର ସିଂହ ଚଢାଉ କରିଥିବା ଜଣାପଡିଛି ।
ରାଇରଙ୍ଗପୁରରୁ ସଞ୍ଜୟ କୁମାର ପରିଡା, ଇଟିଭି ଭାରତ
