ରାଇରଙ୍ଗପୁର: ମୟୂରଭଞ୍ଜ ଜିଲ୍ଲା ବିଶୋଇ ଥାନା ଅନ୍ତର୍ଗତ ରାଜାବସା ଅଞ୍ଚଳରୁ କେନ୍ଦୁପତ୍ର ବୋଝେଇ ଟ୍ରକ ଜବତ(Kendu Leaves Laden Truck Seized) । ଟ୍ରକଟି ସମ୍ବଲପୁରରୁ କଲିକତା ଅଭିମୁଖେ ଯାଉଥିଲା । ଏନେଇ ଖବର ପାଇ ରାଜାବସା ଗ୍ରାମ ନିକଟ ୪୯ ନଂ ଜାତୀୟ ରାଜପଥରେ ବିଶୋଇ ବନ ବିଭାଗ ଚଢାଉ କରିଛି । ଘଟଣାରେ ଟ୍ରକ ଡ୍ରାଇଭର ଓ ହେଲପର୍ ଗିରଫ ହୋଇଛନ୍ତି ।
କେନ୍ଦୁପତ୍ର ବୋଝେଇ ଟ୍ରକ ଜବତ, ୨ ଗିରଫ
ଗିରଫ ଟ୍ରକ ଚାଳକ ସମ୍ବଲପୁର ମୋତିଝରଣ ଗ୍ରାମର ଏମଡି ଖୁରସିଦ ଓ ହେଲପର ଜଣକ ଉତ୍ତରପ୍ରଦେଶର ଧନଞ୍ଜୟ ପ୍ରସାଦ ବୋଲି ପରିଚୟ ମିଳିଛି । ଜବତ କେନ୍ଦୁପତ୍ରଗୁଡିକର ଆନୁମାନିକ ମୂଲ୍ୟ ଚାରି ଲକ୍ଷ ଟଙ୍କା ହେବ ବୋଲି ବିଶୋଇ ବନାଞ୍ଚଳ ଅଧିକାରୀ ସୂଚନା ଦେଇଛନ୍ତି ।
