ମୟୂରଭଞ୍ଜ: ମହାମାରୀ କୋରୋନାର ଭୟାବହତା ଏବେ ଗ୍ରାମାଞ୍ଚଳରେ ବଢିବାରେ ଲାଗିଛି । ମୟୂରଭଞ୍ଜ ଜିଲ୍ଲା ବେତନଟୀ ବ୍ଲକ ରଘୁପୁର ପଞ୍ଚାୟତ ଦିଗାନଗର ଗାଁରେ ଗୁରୁବାର ୨ ଜଣ ଆକ୍ରାନ୍ତ ଚିହ୍ନଟ ହୋଇଥିବା ଜଣାଯାଇଛି ।
ସଂକ୍ରମଣ ରୋକିବାକୁ ରଘୁପୁର ପଞ୍ଚାୟତର 5 ଟି ଗାଁ ସଟଡାଉନ
ବେତନଟୀ ବ୍ଲକ ରଘୁପୁର ପଞ୍ଚାୟତର ଦିଗନଗର ଗ୍ରାମର ୨ ଯୁବକଙ୍କୁ କୋରୋନା ପଜିଟିଭ ଜଣାଯିବା ଫଳରେ ସମଗ୍ର ବୈଶିଙ୍ଗା ଅଞ୍ଚଳରେ ଭୟର ବାତାବରଣ ସୃଷ୍ଟି ହୋଇଛି । ଆକ୍ରାନ୍ତ ୨ ଯୁବକ ନିକଟରେ ହାଇଦ୍ରାବାଦରୁ ଫେରିଥିବା ଜଣାପଡିଛି ।
ଗୁରୁବାର ଏହି ପଜିଟିଭ ଘଟଣା ଜଣାପଡିବା ପରେ ରଘୁପୁର ସରପଞ୍ଜ ଶତ୍ରୁଘ୍ନ ସିଂ ବିଡିଓଙ୍କ ସହ ଆଲୋଚନା କରି ରଘୁପୁର ପଞ୍ଚାୟତର ପଣସିଆ, ଖୁଣ୍ଟାପୁର , କୁଜିଗଡ଼ି, ରଘୁପୁର ଓ ଦିଗାନଗର ୫ ଟି ଗ୍ରାମକୁ ୭୨ ଘଣ୍ଟା ପାଇଁ ସଟଡାଉନ ଘୋଷଣା କରିଛନ୍ତି । ଶୁକ୍ରବାର ସକାଳ ୬ ଟାରୁ ସୋମବାର ସକାଳ ୬ ଟା ପର୍ଯ୍ୟନ୍ତ ଏହି ସଟଡାଉନ ବଳବତ୍ତର ରହିବ ବୋଲି ସରପଞ୍ଚ ଶ୍ରୀ ସିଂ ଘୋଷଣା କରିଛନ୍ତି ।
ମୟୂରଭଞ୍ଜରୁ ମୃତ୍ୟୁଞ୍ଜୟ ସେନାପତି, ଇଟିଭି ଭାରତ
