ରାଇରଙ୍ଗପୁର: ମୟୂରଭଞ୍ଜ ଜିଲ୍ଲା ରାଇରଙ୍ଗପୁର ସହରର ମୁଖ୍ୟ ଗୋଲେଇ ନିକଟରେ ଭୟାବହ ଅଗ୍ନିକାଣ୍ଡ। ଫ୍ରେଣ୍ଡସ୍ କର୍ଣ୍ଣର ମାର୍କେଟ କମ୍ପ୍ଲେକ୍ସର ପାଞ୍ଚଟି ଦୋକାନରେ ନିଆଁ । କୋଟିଏ ଟଙ୍କାରୁ ଅଧିକ ସମ୍ପତ୍ତି ପୋଡି ପାଉଁଶ ।
ରାତି ପାଖାପାଖି 3ଟାରୁ ନିଆଁ ଲାଗିଥିବା ସୂଚନା । ଅଗ୍ନିଶମ ବାହିନୀର 10ଟି ଗାଡି ପହଞ୍ଚି ନିଆଁକୁ କରୁଛନ୍ତି ଆୟତ୍ତ । ଫ୍ରେଣ୍ଡସ୍ କର୍ଣ୍ଣର ମାର୍କେଟ କମ୍ପ୍ଲେକ୍ସର ଫ୍ରେଣ୍ଡସ କର୍ଣ୍ଣର, ଫ୍ରେଣ୍ଡସ ଆମପୋରିଅମ, ଫ୍ରେଣ୍ଡସ ଡିପାର୍ଟମେଣ୍ଟାଲ, ଫ୍ରେଣ୍ଡସ ୟୁଟିଲିଟି, ଫ୍ରେଣ୍ଡସ ଗାରମେଣ୍ଟ୍ସରେ ନିଆଁ ଲାଗିଛି ।
5 ଟି ଦୋକାନ ସମ୍ପୂର୍ଣ୍ଣ ଜଳିଯାଇଥିବା ଦେଖିବାକୁ ମିଳିଛି । ସେପଟେ ଘଟଣାସ୍ଥଳରେ ପୋଲିସ ପହଞ୍ଚି ରାସ୍ତ ବନ୍ଦ କରିବା ସହ ପାଖ ଦୋକାନକୁ ଖାଲି କରିବାକୁ ନିର୍ଦ୍ଦେଶ ଦେଇଛି । ସେହିପରି ନିକଟରେ ଏକ ପେଟ୍ରୋଲ ପମ୍ପ ରହିଥିବାରୁ ବିପଦକୁ ଏଡାଇବା ପାଇଁ ପେଟ୍ରୋଲ ପମ୍ପ ନିକଟରେ ଅଗ୍ନିଶମ ବାହିନୀ ସଜାଗ ରହିଛନ୍ତି । ତେବେ ଅଗ୍ନିକାଣ୍ଡର କାରଣ ଜଣାପଡିନାହିଁ ।
ରାଇରଙ୍ଗପୁରରୁ ସଞ୍ଜୟ ପରିଡା, ଇଟିଭି ଭାରତ
