ରାଇରଙ୍ଗପୁର: ମୟୂରଭଞ୍ଜ ଜିଲ୍ଲା ରାଇରଙ୍ଗପୁର ଟାଉନ ଥାନା ପୁରୁଣାପାଣି ଗାଁ ଦେଇ ଯାଇଥିବା 220 ନଂ ଜାତୀୟ ରାଜପଥରେ ହୁତୁହୁତୁ ହୋଇ ଜଳିଗଲା ଟ୍ରକ। ଟ୍ରକଟି ରାସ୍ତା କଡରେ ଛିଡ଼ା ହୋଇଥିବା ସମୟରେ ଟ୍ରକର କ୍ୟାବିନରେ ରୋଷେଇ କରୁଥିବା ବେଳେ ଗ୍ୟାସ ସିଲିଣ୍ଡର ଫାଟି ଟ୍ରକରେ ନିଆଁ ଲାଗିଯାଇଥିଲା ।
ରାସ୍ତା ମଝିରେ ହୁତୁହୁତୁ ହୋଇ ଜଳିଗଲା ଟ୍ରକ
ହୁତୁହୁତୁ ହୋଇ ଟ୍ରକଟି ଜଳୁଥିବା ଦେଖି ସ୍ଥାନୀୟ ଲୋକେ ତୁରନ୍ତ ରାଇରଙ୍ଗପୁର ଅଗ୍ନିଶମ ବିଭାଗକୁ ଜଣାଇବା ପରେ ଅଗ୍ନିଶମ ବିଭାଗ କର୍ମଚାରୀ ମାନେ ପହଞ୍ଚି ନିଆଁକୁ ଆୟତ୍ତ କରିଥିଲେ । ତେବେ ସିମେଣ୍ଟ ଅନଲୋଡିଂ କରି ଫେରୁଥିବା ବେଳେ ପୁରୁଣାପାଣି ନିକଟରେ ଅଟକି ଗାଡି କ୍ୟାବିନରେ ରୋଷେଇ ହେଉଥିବା ବେଳେ ଏହି ଅଘଟଣ ଘଟିଥିଲା ।
ସେପଟେ ଅଗ୍ନିକାଣ୍ଡରୁ ଟ୍ରକର ଚାଳକ ଓ ହେଲପର ଏଥିରୁ ବର୍ତ୍ତି ଯାଇଥିବା ବେଳେ ଟ୍ରକଟି ସମ୍ପୂର୍ଣ୍ଣ ଜଳିଯାଇଛି।
ରାଇରଙ୍ଗପୁରରୁ ସଞ୍ଜୟ କୁମାର ପରିଡା, ଇଟିଭି ଭାରତ
