ରାଇରଙ୍ଗପୁର: କରଞ୍ଜିଆ ଅଞ୍ଚଳରେ ହାତୀ ଆତଙ୍କ । ଘର ଭାଙ୍ଗିଲେ ହାତୀପଲ । ପ୍ରତିବାଦରେ ଆନ୍ଦୋଳନକୁ ଓହ୍ଲାଇଛନ୍ତି ଅନ୍ଧାରଝରି ଗାଁ ଲୋକେ । ସକାଳୁ ସକାଳୁ ଶତାଧିକ ଲୋକେ କ୍ଷତିପୂରଣ ଜାବିରେ କରଞ୍ଜିଆ-ଖିଚିଂ ୫୩ ନମ୍ବର ରାଜ୍ୟ ରାଜପଥକୁ ଅବରୋଧ କରିଛନ୍ତି । ଫଳରେ ଯାତାୟତ ବାଧାପ୍ରାପ୍ତ ହୋଇଛି ।
ଭିଡିଓ ସୌଜନ୍ୟ: ପ୍ରତିନିଧି, ରାଇରଙ୍ଗପୁର
ମଙ୍ଗଳବାର ରାତିରେ କରଞ୍ଜିଆ ବନଖଣ୍ଡ ଅଞ୍ଚଳରେ 22ଟି ହାତୀପଲ ଅନ୍ଧାରିଝରି ଗାଁକୁ ପଶି ଆସିଥିଲେ । ଏହି ହାତୀପଲ 6ରୁ ଊର୍ଦ୍ଧ୍ବ ଘର ଭାଙ୍ଗିବା ସହ ବ୍ୟାପକ କ୍ଷୟକ୍ଷତି କରିଛନ୍ତି । ଯାହାକୁ ବିରୋଧ କରି ଶତାଧିକ ଲୋକେ ରାସ୍ତା ରୋକ୍ କରିଛନ୍ତି । ସେମାନଙ୍କ ଦାବି ମଧ୍ୟରେ ରହିଛି, ହାତୀ ଘଉଡାଇବା ପାଇଁ ସ୍ବତନ୍ତ୍ର ବ୍ୟବସ୍ଥା କରିବା ଓ ବିଦ୍ୟୁତ ଯୋଗାଇ ଦେବା ।
ରାସ୍ତା ଅବରୋଧ ଯୋଗୁଁ ଉଭୟ ରାସ୍ତାର ପାର୍ଶ୍ବରେ ଶହ ଶହ ଗାଡି ଅଟକି ରହିଛି । ଖବର ଲେଖାଯିବା ସୁଦ୍ଧା ଘଟଣା ସ୍ଥଳରେ କୌଣସି ଅଧିକାରୀ ପହଞ୍ଚି ନଥିବା ସୂଚନା ରହିଛି ।
ରାଇରଙ୍ଗପୁରରୁ ସଞ୍ଜୟ ପରିଡା, ଇଟିଭି ଭାରତ
