ବାରିପଦା: ପଣ୍ଡିତ ରଘୁନାଥ ମୁର୍ମୁ ମେଡିକାଲରେ ଚିକିତ୍ସା ଅବେହଳାରୁ ଜଣେ ପ୍ରସୂତୀଙ୍କ ମୃତ୍ୟୁ ହୋଇଥିବା ଅଭିଯୋଗ ହୋଇଛି । ବାରମ୍ବାର ଏଭଳି ଅଭିଯୋଗ ଆସୁଥିବା ବେଳେ ଡାକ୍ତରଙ୍କ ବେପରୁଆ ମନଭାବ ଯୋଗୁଁ ଯାଉଛି ରୋଗୀଙ୍କ ଜୀବନ । ଯାହାକୁ ନେଇ ପ୍ରସୂତୀଙ୍କ ପରିବାରଲୋକେ ଜିଲ୍ଲାପାଳଙ୍କ ଦ୍ବାରସ୍ତ ହୋଇଛନ୍ତି ।
ଗତ 11 ତାରିଖରେ ବାଙ୍ଗି ମୁର୍ମ ନାମକ ଜଣେ ମହିଳା ପ୍ରସୂତୀ ପାଇଁ ପିଆରଏମ ମେଡିକାଲରେ ଭର୍ତ୍ତି ହୋଇଥିଲେ । କିନ୍ତୁ ପ୍ରସୂତୀ ଦିନ ମହିଳାଙ୍କ ପେଟରେ ହିଁ ତାଙ୍କ ଦୁଇଟି ଜାଆଁଳା ଛୁଆର ମୃତ୍ୟୁ ହୋଇଥିବା ବେଳେ ଡାକ୍ତରଙ୍କ ଅବହେଳାରୁ ତାଙ୍କର ମଧ୍ୟ ମୃତ୍ୟୁ ଘଟିଛି । ତେବେ ଡାକ୍ତର ଚିକିତ୍ସାରେ ଅବହେଳା କରିଥିବା ନେଇ ପରିବାର ଲୋକେ ଅଭିଯୋଗ କରିଛନ୍ତି ।
କେବଳ ଡାକ୍ତରଙ୍କ ଚିକିତ୍ସାରେ ଅବହେଳା ନୁହେଁ, ଶବ ବ୍ୟବଚ୍ଛେଦ ପରେ ମଧ୍ୟ ମେଡିକାଲ କର୍ତ୍ତୃପକ୍ଷ ମହାପ୍ରଣୟ ଦେଲେ ନାହିଁ । ଫଳରେ ପ୍ରସୂତୀଙ୍କ ମୃତ ଦେହକୁ କାନ୍ଧରେ ଧରି ଦୀର୍ଘ 2 କିମି ଚାଲି ଚାଲି ଆସି ଜିଲ୍ଲାପାଳଙ୍କ ଦ୍ବାରସ୍ତ ହୋଇଛନ୍ତି ପରିବାର ଲୋକେ ।
ମୟୂରଭଞ୍ଜରୁ ମୃତ୍ୟୁଞ୍ଜୟ ସେନାପତି, ଇଟିଭି ଭାରତ
