ବାରିପଦା: ମୟୂରଭଞ୍ଜ ଜିଲ୍ଲା ମୋରଡ଼ା ଥାନା ଅନ୍ତର୍ଗତ ଚିତ୍ରଡା ଉପଡାକଘରର ସହକାରୀ ପୋଷ୍ଟମାଷ୍ଟର ଶୁଭାଶିଷ ପରିଡା 4000 ହଜାର ଟଙ୍କା ଲାଞ୍ଚ ନେଉଥିବା ବେଳେ ସିବିଆଇ ଗିରଫ କରିଛି । ପୋଷ୍ଟ ଅଫିସ ଏଜେଣ୍ଟ କୁନ୍ତଳା ମହାନ୍ତଙ୍କ ସ୍ବାମୀ ବ୍ରଜ କିଶୋର ମହାନ୍ତଙ୍କ ଠାରୁ ପୋଷ୍ଟାଲ ଡିପୋଜିଟ କମିଶନ କରାଇ ଦେବାପାଇଁ ଲାଞ୍ଚ ନେବା ଅଭିଯୋଗରେ ତାଙ୍କୁ ଗିରଫ କରାଯାଇଛି ।
ଭିଡିଓ ସୌଜନ୍ୟ: ସମ୍ବାଦଦାତା,ମୟୂରଭଞ୍ଜ
ସହକାରୀ ପୋଷ୍ଟମାଷ୍ଟର ଲାଞ୍ଚ ମାଗୁଥିବା କଥା ପୂର୍ବରୁ ଏଜେଣ୍ଟ ଜଣକ ଭୁବନେଶ୍ବର ସିବିଆଇ ଅଫିସରେ ଅଭିଯୋଗ କରିଥିଲେ । ପୂର୍ବ ପ୍ରସ୍ତୁତି ଅନୁଯାୟୀ ଆଜି ସିବିଆଇ ଟିମ ପୋଷ୍ଟ ମାଷ୍ଟରଙ୍କୁ ପୋଷ୍ଟ ଅଫିସ ନିକଟ ଶୀର୍ଷାପାଳ ଛକରେ ଲାଞ୍ଚ ନେଉଥିବା ବେଳେ ଗିରଫ କରିଛି । ସିବିଆଇ ଅଫିସର ପିସି ସାହୁଙ୍କ ନେତୃତ୍ବରେ ଏହି ଚଢ଼ାଉ କରାଯାଇଥିଲା ।
ମୟୂରଭଞ୍ଜରୁ ମୃତ୍ୟୁଞ୍ଜୟ ସେନାପତି, ଇଟିଭି ଭାରତ
