ବାରିପଦା: ସ୍ପେସିଆଲ ସ୍କ୍ବାର୍ଡ ସ୍କାନରରେ କୋଟିପତି ଗଞ୍ଜେଇ ମାଫିଆ। ମୟୂରଭଞ୍ଜ ଜିଲ୍ଲା ଉଦଳା ଅଞ୍ଚଳରେ ସ୍ପେସିଆଲ ସ୍କ୍ବାର୍ଡ ଚଢ଼ାଉରେ ବିପୁଳ ପରିମାଣର ଗଞ୍ଜେଇ ଜବତ ହୋଇଛି। ଗଞ୍ଜେଇ ସହ ଲକ୍ଷାଧିକ ଟଙ୍କା, ସୁନା ଗହଣା ଓ 4 ଚାକିଆ ଯାନ ଜବତ କରାଯାଇଛି ।
ମୟୂରଭଞ୍ଜ ଜିଲ୍ଲା ଉଦଳା ଅଞ୍ଚଳରେ ସ୍ପେସିଆଲ ସ୍କ୍ବାର୍ଡ ଓ ପୋଲିସର ମିଳିତ ଚଢ଼ାଉ ହୋଇଥିଲା। ସୂଚନା ଅନୁଯାୟୀ, ଉଦଳା ଉପକଣ୍ଠ କପ୍ତିପଦା ଥାନା କୟାଁଖୁଣ୍ଟା ଓ ଉଦଳା ଏନଏସିର-୩ ନମ୍ବର ୱାର୍ଡରେ ଥିବା ଗଞ୍ଜେଇ ମାଫିଆ ଶରତ ନାୟକଙ୍କ ଗଞ୍ଜେଇ ଆଡ୍ଡାରେ ଚଢ଼ାଉ କରି ସାଢେ ଚାରି କ୍ୟୁଣ୍ଟାଲ ଗଞ୍ଜେଇ ଜବତ କରାଯାଇଛି ।
ଲକ୍ଷାଧିକ ନଗଦ ଟଙ୍କା, ଦୁଇଟି 4 ଚାକିଆ ଯାନ ସହ ସୁନାଗହଣା ଜବତ ହୋଇଛି। ଗଞ୍ଜେଇ ମାଫିଆ ଜଣଙ୍କ ଘର କପ୍ତିପଦା ଥାନା କୟାଁଖୁଣ୍ଟା ଗ୍ରାମର ଶରତ ନାଏକକୁ ଅଟକ ରଖିଛି।
ଗଞ୍ଜେଇ ମାଫିଆକୁ ଅଟକ ରଖି ଉଦଳା ପୋଲିସ ଅଧିକ ତଦନ୍ତ ଜାରି ରଖି ଥିବାବେଳେ ଜବତ ହୋଇଥିବା ଗଞ୍ଜେଇ ସହ ଅନ୍ୟାନ୍ୟ ସାମଗ୍ରୀର ମୂଲ୍ୟ କେତେ ହେବ ତାହା ଏଯାଁଏ ଆକଳନ ହୋଇପାରିନାହିଁ ।
ମୟୂରଭଞ୍ଜରୁ ମୃତ୍ୟୁଞ୍ଜୟ ସେନାପତି, ଇଟିଭି ଭାରତ
