ବାରିପଦା: ବନ୍ୟାଜଳରେ ଭାସିଗଲେ ବୃଦ୍ଧା । ପରିବାର ଲୋକଙ୍କ ସହ ରାସ୍ତା ପାର ହେଉଥିବାବେଳେ ପାଣି ସ୍ରୋତରେ ଭାସି ଗଲେ ବୃଦ୍ଧା । ମୟୂରଭଞ୍ଜ ଜିଲ୍ଲା ବଡ଼ସାହି ବ୍ଲକ ଅନ୍ତର୍ଗତ ମାଣିତ୍ରୀ ମନ୍ଦିର ପାଖ ଚଟାଣରେ ପରିବାର ସହ ଯାଉଥିବାବେଳେ ବୃଦ୍ଧା ଜଣକ ଭାସି ଯାଇଛନ୍ତି । ବୃଦ୍ଧା ଜଣକ ହେଲେ ଭିମଦା ଗାଁର ସ୍ନେହଲତା ମହାପାତ୍ର ।
ବନ୍ୟାଜଳରେ ଭାସିଗଲେ ବୃଦ୍ଧା
ସେ ନିଜ ପରିବାରର ସହ ବଡସାହି ଡାକ୍ତରଖାନାକୁ କୋରୋନା ପରୀକ୍ଷା ପାଇଁ ଯାଇଥିଲେ । ପରୀକ୍ଷା ସାରି ଫେରିବା ସମୟରେ ଆମ୍ବୁଲାନ୍ସ ପାଣି ଦେଖି ଅଟକି ଯାଇଥିଲା । ତେବେ ଚଟାଣ ପାରି କରିବା ସମୟରେ ଅସାବଧାନତା କାରଣରୁ ପାଣିରେ ଭାସିଗଲେ ବୃଦ୍ଧା । ଗଙ୍ଗାହାର ନଦୀ ପାଣି ରାସ୍ତା ଉପରେ ପ୍ରବାହିତ ହେଉଥିଲା । ତେବେ ଦମକଳବାହିନୀ ପହଞ୍ଚି ଉଦ୍ଧାର କାର୍ଯ୍ୟ ଜାରି ରଖିଛି ।
ମୟୂରଭଞ୍ଜରୁ ମୃତ୍ୟୁଞ୍ଜୟ ସେନାପତି, ଇଟିଭି ଭାରତ
