ଅଭିନବ ପ୍ରତିବାଦ: ରାସ୍ତାରେ ଧାନ ରୋଇଲେ ଗ୍ରାମବାସୀ

ମାଲକାନଗିରିର କରୁକୋଣ୍ଡା ବ୍ଲକ ଅନ୍ତର୍ଗତ ଗଂଗଲାଗୁଡା ଖରାପ ହୋଇପଡିଛି ଗାଁ ରାସ୍ତା। ଏହା ପ୍ରତିବାଦରେ ସେହି ରାସ୍ତାରେ ଧାନ ରୋଇ ନିଆରା ପ୍ରତିବାଦ କରିଛନ୍ତି ଗ୍ରାମବାସୀ।

ମାଲକାନଗିରି: ଖରାପ ହୋଇ ପଡିଥିବା ଗାଁ ରାସ୍ତା ମରାମତି ନହେବାରୁ ଗ୍ରାମବାସ ଏକ ଅଭିନବ ଢଙ୍ଗରେ ଏହାର ପ୍ରତିବାଦ କରିଛନ୍ତି। ଖରାପ ହୋଇ ପଡିଥିବା ରାସ୍ତାରେ ଧାନ ତଳି ରୋଇ ନିଜର ପ୍ରତିବାଦ ଜଣାଇଛନ୍ତି । ଏଭଳି ଘଟଣା ଦେଖିବାକୁ ମିଳିଛି ମାଲକାନଗିରିର କରୁକୋଣ୍ଡା ବ୍ଲକ ଗଂଗଲାଗୁଡା ଗାଁରେ।

ବର୍ଷା ହେଲେ ଏହି ରାସ୍ତାର ଅବସ୍ଥା ହୋଇପଡେ ଶୋଚନୀୟ। ଗାଁ ରାସ୍ତା ମରାମତି ନେଇ ଅନେକ ଥର ସରପଞ୍ଚ, ସ୍ଥାନୀୟ ବିଧାୟକ ଏବଂ ପ୍ରଶାସନର ଦୃଷ୍ଟି ଆକର୍ଷଣ କରିଛନ୍ତି ଗ୍ରାମବାସୀ। ମାତ୍ର ଏ ଦିଗରେ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରାଯାଇନାହିଁ।

ମାଲକାନଗିରି ରୁ ଜୟନ୍ତ ତିଆଡି, ଇଟିଭି ଭାରତ